潮滙館 (已結業)

今晚约左放工朋友黎到长沙湾潮汇馆食饭，环境干净舒适，仲有电视睇，墙边图案比较古式，别具风味。服务都好好，好nice 。喜欢怀旧公鸡餐具🍴卤水鹅肉拼盘$148早已听闻过餐厅卤水鹅好出名，原本想叫一只试下，但朋友话两个人食唔晒，所以就叫拼盘比较多元化，鹅肉肉香、卤水汁入味又唔会太咸，厚度切得岩岩好，唔会太厚同薄，食落有口感。咸柠檬炖鸭汤（例窝）$108好大窝汤原本系四至六人份量，我同朋友每人饮左三四碗先饮得晒，用左柠檬令汤有一点点微酸，汤水开胃又滋润，非常特别的想法。汕头蚝仔洛$78蚝饼即叫即制，蚝仔份量充足，黄金色外层，食落香脆美味，配合上鱼露层次更加升华。椒丝腐乳炒通菜$58通菜份量十足，翠绿色非常养眼，配上腐乳增添味道，健康又好味。沙茶牛肉河$68劲多牛肉同白菜仔，配合上酱汁一流，捞埋河粉食就更加好，味道中和唔怕太浓，好味又饱肚，值得一试。两个人食咁多野连埋茶位同加一服务费都系五百几蚊，抵食！