蘇山雞飯

营业中

休息中

长沙湾MCL睇完戏，见到门口好多人，就望吓个餐牌，见到有白胡椒排骨茶，就决定排队试下，等咗一阵就有位入去！我哋两个人，叫咗劲多嘢食，但系买单又唔贵㖞！朋友叫咗个海南鸡饭配冬瓜汤，个油饭好好食，好有味，我估个饭可能系炒过，真心唔系间间都可以煮到咁！至于海南鸡，好Juice好嫩，我见朋友连啲鸡皮都食晒！跟餐嘅冬瓜汤都唔细碗㖞，我唔知个汤入边𠮶啲系咪鸡肾，好好食，好足料！我自己呢，就叫咗白胡椒排骨茶汤米粉，佢个餐仲跟埋个油炸鬼，白胡椒味好浓，一字骨啲肉好林，好入味，另外想赞一赞啲豆卜，外面果皮好脆，浸返落啲汤度食，好似食紧炸响铃噤！油炸鬼配返呢个汤，又系绝配！虽然佢酱料俾你点啲一字骨食，但系我都冇点到，因为啲一字骨已经好有味！另外仲叫咗个小食同埋两杯嘢饮！小食叫咗超级邪恶嘅鲜油㗎央多士，一上到枱，真系超级邪恶😂 一定要趁热食，咸甜配搭得啱啱好！嘢饮我又系叫咗个超级邪恶嘅冻恐龙美禄，一啲都唔孤寒，超级浓！ 朋友就叫咗个冻柑桔蜜，我就冇试到，不过朋友话都好饮！总结，好味抵食，如果再去长沙湾，呢间必定系我嘅首选！