蜀客 (已結業)

第二次嚟，不过今次系食晚饭，喺某个app订枱，6:00pm嚟到，三人一行安排咗望到海景嘅枱，先来一壶茶，在开支白酒，慢慢睇吓Menu食乜好。上次日头嚟，有外边射入嚟嘅natural lighting，感觉上夜晚气氛柔和好多，虽然装修冇乜特别，不过地方算系舒适嘅。今次先拣咗几个前菜，因为知佢上菜上得好快，三个前菜转个头就已经上晒枱，豆腐外脆内滑，烧茄子上面嘅酱亦都好夹，合桃嘅口感好特别，再加上好鲜味嘅葱油，简单一道菜都好好食。服务都几好，啲服务员都好attentive，又唔会太过骚扰，之后再点两个菜，再配支红酒，茶树菇上次都食过，依然咁好食，炒得好香，五花腩好靓，一啲都唔觉得肥腻，有入口溶嘅感觉，切碎左梅菜唔会太咸，系一道几出色嘅菜，每碟嘅菜嘅份量都有返咁上下，最后仲有好惊喜，经理问我哋系咪K11 member... 之后就送多支红酒俾我哋！完全免费！虽然当晚都有唔少顾客，原本个半钟后要交枱，不过我哋都坐咗好耐，饮饱食醉，有app优惠又有免费红酒！超值！满足！