古今二 (荃新天地)

营业中

休息中

好耐都冇食日本嘢，难得今日朋友生日，特登约咗佢去荃新天地𠮶度食日本嘢，呢个朋友特别钟意食鱼生同寿司卷，佢都话今日拣嘅呢间餐厅好高质，而且好抵食。我自己就钟意呢度坐得舒服，可以倾偈叙旧，服务员亦都好有礼貌！讲明系庆祝生日，所以今日都食得好啲，叫咗好多唔同嘅刺身同埋寿司卷。我觉得最好食嘅就系今·刺身盛，鱼生种类超多，而且好新鲜，三文鱼全部都系劲厚切，超级肥美，海胆亦都好新鲜，好creamy。牡丹虾亦都每一只都好爽口，好大只。另外平鲷系我第一次食嘅刺身，油脂含量偏低，属于我钟意食嘅鱼生口感，唔会太油腻。至于寿司卷方面，就叫咗忘不了您、红粉佳人同烟花。全部都好饱满泽晒，用料绝对冇马虎。都要多谢佢哋特登帮我哋做埋生日字眼嘅装饰！朋友食得好开心。