影片
更多
2014-10-08
2420 浏览
十一假期同best friend去左行城门水塘, 呼吸新鲜空气 因为多亲戚住荃湾, 所以我都成日黎呢区饮茶食饭~ 茶楼去得最多, 比较少试其他餐厅...一早听过BEANS既大名, 奈何唔会同一班亲戚去食, 只有耐心等待机会先试! 今日终于系喇!!! 行完山, 小巴系荃湾落车, 而且都系6点半度, 时间尚早就决定去睇下多唔多人, 幸好2边门都只有各一张枱等紧, 食下午茶既人又陆续离开, 都系等左5分钟就可以入去喇! BEANS既装修都系行简约风, 不过就有种绿色健康同清新既感觉, 非常适合食早餐! menu上真系有多款all-day breakfast供人选择, simple, deluxe, egg benedict...etc 当然还有其他主菜好似pasta, pizza, 相对地无早餐咁吸引! 另外仲有2张menu系甜品同饮品, 未开始食饭睇到甜品已经好想食! 有几款绿茶架啦, 又有waffle蛋糕 碍于我地真系几肚饿, 最后叫左一个pasta+一个breakfast~ 忌廉汁蟹肉蟹棒意粉, 卖相唔错, 见到好多蟹棒系面, 不过我就觉得汁唔够浓好水, 成个意
因为多亲戚住荃湾, 所以我都成日黎呢区饮茶食饭~ 茶楼去得最多, 比较少试其他餐厅...一早听过BEANS既大名, 奈何唔会同一班亲戚去食, 只有耐心等待机会先试! 今日终于系喇!!! 行完山, 小巴系荃湾落车, 而且都系6点半度, 时间尚早就决定去睇下多唔多人, 幸好2边门都只有各一张枱等紧, 食下午茶既人又陆续离开, 都系等左5分钟就可以入去喇!
BEANS既装修都系行简约风, 不过就有种绿色健康同清新既感觉, 非常适合食早餐! menu上真系有多款all-day breakfast供人选择, simple, deluxe, egg benedict...etc 当然还有其他主菜好似pasta, pizza, 相对地无早餐咁吸引! 另外仲有2张menu系甜品同饮品, 未开始食饭睇到甜品已经好想食! 有几款绿茶架啦, 又有waffle蛋糕
碍于我地真系几肚饿, 最后叫左一个pasta+一个breakfast~忌廉汁蟹肉蟹棒意粉, 卖相唔错, 见到好多蟹棒系面, 不过我就觉得汁唔够浓好水, 成个意粉带少少咸味, 清清地唔腻, 整体都ok唔会食到好济!
Deluxe All-day Breakfast, 呢个真系我食过all-day以来最超值既! 一开始见到menu有2个full set all-day breakfast, 心谂deluxe应该几贵下... 点知都系$88, 唔贵得黎仲有齐炒蛋肠仔茄汁豆烟肉包, 重点系连烟三文鱼都有!!! 真系好抵食! 见到旁边几枱都有叫 比高包热辣辣好脆, 夹住三文鱼食好正! 唯一麻麻既系炒蛋太老, 已经变左一旧旧, 无左滑蛋... 其他磨菇肠仔都系一般, 味道唔会话好咸~
所有主菜都包一杯普通茶或咖啡, 当然都可以加钱叫特色饮品! 我叫左杯rose latte, 因为知道甜品会食绿茶, 所以饮品就唔饮绿茶类喇... 之前系habitu饮过rose latte, 其实都系latte加左花香甜甜地, 唔会好似coffee咁苦, beans既呢杯同habitu既都几似, 不过不失~
闰蜜唔饮咖啡既都无咩选择, 所以最后拣左杯红豆抺茶冰沙(呢杯饮品真系等左好耐...), 我觉得绿茶味唔够浓, 偏淡... 而且饮唔到红豆, 要到最后差唔多饮晒先可以食到~
食完正餐喇, 终于食甜品喇!!! 叫左甜品后, 侍应帮我地换上小型木制餐具~
绿茶梳乎厘! 见到有人推介呢个, 又咁岩食紧主菜个时见到其他人食, 梳乎厘有咁大个真系几吸引, 所以我地都试返个先! 有d期望过高添... 略欠绿茶味, 只有表而既绿茶粉, 而且太甜, 仲有见到碗边有糖粒, 食食下好似食沙糖咁...
朱古力流心蛋糕, 一开始睇menu见到流心蛋糕以为系咩新产品, 谂谂下突然醒觉应该系心太软 因为头先食左绿茶, 所以心太软就无叫绿茶拣食朱古力~ 黎到个时见到个蛋糕焗爆左少少, 以为都可以唔流lu, 不过切开都仲有朱古力浆流出黎, 唔错! 呢个心太软都算系食过以黎比较比较无咁腻既, 唔会话食到好济, 不过我唔系好中意食太多朱古力, 都系留返比闰蜜食啦~系beans坐左都差不多2粒钟, cafe黎讲佢无限时可以慢慢倾慢慢食, 而且座位都算宽敞舒服, 真系几适合三五知己黎闲话家常! 食物又唔错收费公道, 侍应态度又唔差, 留下左一个美好的回忆~
题外话/补充资料：
话说我地order既系朱古力流心蛋糕, 点知黎左个绿茶流心蛋糕, 跟住同waiter讲黎错左㖞, 叫佢check下单我地order既系咩, 跟住佢check完就话帮我地换, 以为系厨房整错啦~ 点知埋单发现系写住绿茶㖞, 即系一开始都系落错既, 可能因为同时叫左个绿茶梳乎厘而搞错, 不论咩原因都好, 个waiter即刻肯帮我换已经系唔错的服务态度! 抵赞! :)
(以上食记乃用户个人意见 , 并不代表OpenRice之观点。)
张贴
