人生有限杯.串燒店

营业中

休息中

旺角新开串烧店，提供多款创意料理，最平$10就有交易，即叫即整，新鲜滚热辣。店内环境唔大，座位阔落，价格亲民且地点方便，适合约一大班朋友仔嚟Gathering啤一啤佢🍻私心推介呢度嘅卷物，口味众多，有荔枝、秋葵、麻糬等，豚肉肥瘦适中，搭配唔同馅料，口感丰富，层次分明。另有紫菜鹌鹑蛋同黑松露金菇卷，咬落多汁，令人一试难忘。Fusion菜式有明太子忌廉乌冬，面条煮得啱啱好，烟韧得嚟带点咬口而且会挂汁。芫荽鸡丝手抓饼外层脆身，包住鸡丝都几得意。老油条酿芝墨鱼滑，独家制作，酥脆可口，弹牙美味。肉类都唔输蚀，要咗泰式烧墨鱼须、盐烧西班牙五花腩、味噌松板猪、盐烧鸡腿肉、盐烧鸡中翼同椒盐烧鸡尾，肉质嫩滑唔嚡口，份量比想像中多，性价比高，值得到访一试。