Amitie Kitchen (已搬遷) 新店位置

尖沙咀亚士厘道，一条唔系好长嘅街道，但就有着无数嘅餐厅食肆，除地铺外，原来两旁商业大厦内亦隐藏不少质素很高的餐厅。今次我就试咗一间位于8楼嘅西餐厅，地方唔算大环境雅致有心思。播放着柔和嘅音乐，舒适relax点左两个set lunch，餐汤、沙律各一。栗子忌廉汤～好浓稠栗子味 坚有料😍菠萝烤鸡沙律伴西班牙甜椒果仁酱～沙律都有鸡肉，好认真㖞！甜椒真系好甜，餐汤、沙律都一丝不苟，有水准！蒲烧鳗鱼、本菇扁意大利面伴日式烧汁$98食材健康，酱汁惹味偏浓！烤烧纽西兰西冷(6安士)意粉$138意粉系幼身𠮶种，顺滑爽口有弹性，带微微蒜香好食。件扒好有肉味👍🏻👍🏻有咬口！士多啤梨大福～送嘅🤤🙊质感软棉，浓香士多啤梨味又唔会过甜！日本原个鲜果雪葩呢个超级好吃，劲香浓桃味又清新，系真水果嘅味道，唔系人工香料！朱古力心太软伴雪糕，都系水准之上佳作。整体食物质素同甜品都十分出色，服务质素好，员工亦友善，值得再帮衬。