影片
更多
2023-11-16
61 浏览
无论食物 服务 同 环境，都系100分，大爱。❤先付 （开胃菜）水云 冲绳县水云配上炙烧白子❤水云味道较酸小甜，口感嫩滑得黎带点一条条丝质口感。而炙烧白子，入口先食到白子表皮香口同爽口既外层，一咬细滑丰腴，奶油既口感。两样夹埋一齐食，够哂醒胃。向付 刺身五点盛❤我再另外再加个马粪海胆 ❤ (+$150) 有分先后次序食既~鲛碟鱼❤ (最左) 先黎味道较淡，口感爽脆有咬劲，黎做首选开胃刺身三虫鱼❤ (最右) 呢只鱼未食过，所以唔识写个名，但读法系咁上下，鱼皮烧香过，所以入口鱼肉嫩滑，但带点甘脆既口感同味道。秋刀鱼❤ (前中) 较浓鱼香味，鱼油甘甜芳香，好鲜嫩，建议配埋wasabi一齐食牡丹虾❤ (后) 虾肉甜美细滑，口感绵软得黎带有弹性，食完回鲜味十足。马粪海胆❤ 味道浓厚甘甜，回甘好强，极其鲜美野生吞拿鱼❤ (中) 吞拿鱼的原始鲜味，鲜味十足拖罗❤ (最前) 适度既脂肪，甘甜鲜美，味道酸d~再加多份牡丹虾鞑靼鱼子酱鲣鱼高汤啫喱 (+$200)❤ 柚子调味既新西兰深海牡丹虾鞑靼，鲜味爽口。 水晶鱼子酱 粒粒都咁饱满，入口系卜卜卜。鲣鱼高汤整成既jelly 口感同味道都好清新，爽口。三
先付 （开胃菜）水云 冲绳县水云配上炙烧白子❤水云味道较酸小甜，口感嫩滑得黎带点一条条丝质口感。而炙烧白子，入口先食到白子表皮香口同爽口既外层，一咬细滑丰腴，奶油既口感。两样夹埋一齐食，够哂醒胃。
向付 刺身五点盛❤我再另外再加个马粪海胆 ❤ (+$150) 有分先后次序食既~
鲛碟鱼❤ (最左) 先黎味道较淡，口感爽脆有咬劲，黎做首选开胃刺身
三虫鱼❤ (最右) 呢只鱼未食过，所以唔识写个名，但读法系咁上下，鱼皮烧香过，所以入口鱼肉嫩滑，但带点甘脆既口感同味道。
秋刀鱼❤ (前中) 较浓鱼香味，鱼油甘甜芳香，好鲜嫩，建议配埋wasabi一齐食
牡丹虾❤ (后) 虾肉甜美细滑，口感绵软得黎带有弹性，食完回鲜味十足。
马粪海胆❤ 味道浓厚甘甜，回甘好强，极其鲜美
野生吞拿鱼❤ (中) 吞拿鱼的原始鲜味，鲜味十足
拖罗❤ (最前) 适度既脂肪，甘甜鲜美，味道酸d~
再加多份牡丹虾鞑靼鱼子酱鲣鱼高汤啫喱 (+$200)❤ 柚子调味既新西兰深海牡丹虾鞑靼，鲜味爽口。 水晶鱼子酱 粒粒都咁饱满，入口系卜卜卜。鲣鱼高汤整成既jelly 口感同味道都好清新，爽口。三层夹埋一齐食，口感同味道都不 得 了!
盖物 茶碗蒸❤ 用上时令既天惠菇配上黑松露加蜜糖调制既酱汁，非常干鲜既香菇气味，滑dodo既蒸蛋散发淡淡既蛋香味再夹埋浓郁既黑松露俾返小小甜味，令呢个茶碗蒸既味道变得更丰富。
烧物 甘鲷立鳞烧 黄豆煮❤ 先介绍个墙汁系用西班牙辣肉肠 黄豆 紫苏叶 同 羊肚菌煮成。甘鲷带鳞而烧，将油淋落甘鲷到，令鱼鳞「企哂起身」，酥 香 脆!同软嫩既鱼肉成好大对比，第二啖系配埋个酱汁食，真系好难忘。
再另外加多份蓝龙虾 蒜蓉蛋黄酱 𩽾鳙鱼肝泡沫及酱油鱼子❤ (+$150) 法国蓝龙虾 一小块既蓝龙虾，口感厚实得黎好有弹性，够哂清爽鲜甜，配上𩽾𩾌鱼酱, 蒜蓉蛋黄酱 酱油做既鱼子 ，三只唔同味道既捞埋一齐再加上龙虾油既助攻! 一啖放入口，成餐饭，呢个系最最最大爱! 咸 甜 鲜 集于一身~
食事 海鲜丼❤ 厨师会根据每日时令既海鲜去安排呢碗海鲜丼，材料丰富，粒粒天然美味，仲有淡淡既芝麻同紫菜香气。当中布丁蛋 既口感好特别，食起黎有D似蛋糕，但好香鸡蛋唔死甜。而佢地既渍物有萝卜 同 牛蒡，个萝卜清甜得黎带微酸，好岩我胃口!
留椀（汤品）味噌汤❤ 呢碗白味噌汤主要由油扬 白肉菇 绢豆腐 九条葱煲成，白肉菇同绢豆腐滑dodo既口感，淡淡既干葱香气，饮落唔会觉好腻。
甘味（甜品）豆乳福袋❤ 真系好好味! 豆乳奶冻黑糖汁 用京都豆腐整成香脆可口既外皮，浓浓豆徇既豆乳奶冻，口感好幼滑，再配上好有咬口既白朱古力胚芽奶酥，真系好满足!
黑芝麻朱古力❤ 朱古力口感细滑，浓郁黑芝麻香气，食食下仲会有D粒粒脆脆，食完果阵黑芝麻既香同回甘仲会系口入面停留。
张贴
