喫茶ちょうぼ

营业中

休息中

💡闹市中既日式cafe 木系装潢，俾人一种高雅嘅感觉，可以同三五知己行完街喺度慢慢享受美食，又可以打卡同倾计。🍽️ 诞辰和牛汉堡蛋包饭蛋奄列由侍应切开后，嫩滑嘅蛋浆会慢慢流出，蛋奄列煮得相当好，蛋味香浓，口感嫩滑，配上特有嘅酱汁，提升咗成个蛋包饭嘅味道。蛋奄列下面有一块好厚嘅汉堡扒，肉味香浓，亦冇煎到好干身，食落仲好Juicy。🍽️ 圣诞庭园大虾菠菜扁意粉呢一个菠菜意粉，以绿色为主调，配上红色既蕃茄仔同大虾，好似棵圣诞树咁，迎合圣诞节嘅气氛。由菠菜蓉再调和出黎既酱汁，相当creamy，而且大虾鲜甜爽口。🍽️ 当当金赏唐扬炸鸡炸鸡嘅肉质相当嫩滑，外面亦都炸得好酥脆，配上佢嘅酱汁，相当惹味。仲有特制嘅沙律酱，蘸埋一齐食，又会有另一种味道。🍽️ 雪人布甸与牛奶大福盛好适合用嚟打卡嘅雪人布甸，外型相当可爱趣致。布甸唔会太软，亦都唔会太挺身，会喺你口中慢慢溶化。牛奶大福有淡淡嘅牛奶香味，口感烟靭，令到成个甜品既口感好有层次。🍽️ 红粉绯绯花环拿铁&红豆牛乳红粉绯绯花环拿铁咖啡味香香浓，与下层嘅草莓互相配合，味道独特。热红豆牛乳暖笠笠就好适合冬天呢个时候饮啦。