孖啡 (已結業)

上星期约左个fd食饭，当然拣个就脚既地方方便大家，咁旺角自然就系不二之选。最后去左呢间DoubleCafe，贪佢私密度够高，大家容易倾偈。间野系高氏大楼，姐系弥敦道同登打士街交界间周大福对面，都算好容易揾。上到去一出电梯，已经闻到非常浓烈的龙虾香味，唔讲会以为呢间cafe主打食龙虾。行到入舖，灯光微微幽暗，配上有古典风既家私，几有情调。坐低睇睇餐牌，set dinner都有成十款拣，算几多选择，重点系另外重可以加钱配个龙虾汤或者甜品。既然一入黎已经闻到龙虾汤的香味，咁呢样就一定要试啦！个人本身都几钟意食焗野，所以主食就拣左芝士焗吞拿鱼天使面。饮品我就拣左最喜欢既Oreo奶昔，但由于个餐只包一杯$38的饮品，所以要补返少少差额。个汤好合理地最快黎到，首先要赞系够晒热，闻落真系好香，而且饮落个龙虾味都相当浓郁，不过就略为咸左少少，师傅下次可能可以轻手Ｄ。跟住黎既就系杯奶昔，好重Oreo味，肯定落足料，加埋上面个cream，饮落非常滑。个人觉得呢杯奶昔比头先个汤更正，非常值得推介！最后到个天使面，卖相都唔错，但食落就有少少失望，因为岩岩焗出黎入面居然唔太热，而且个面唔够干身，似乎多左少少水。