和順記 (碧街)

营业中

休息中

话说朋友介绍我到油麻地附近食好嘢， 于是就嚟到和顺记。 我自问不算细食， 而我朋友比我更大食。 我哋叫咗两个炸髀饭， 加一碟猪手。 饱到一个地步令我谂起第三世界都于心有愧， 最后真系食唔晒。所以奉劝各位女士， 如果你唔系做扎铁的 你都要有啲心理准备面对呢个庞大分量的考验。 你可以话， 呢啲嘢关我咩事㖞！我食几啖食唔晒咪算啰! 但系阿女， 做人唔系咁㗎。 农夫系好用心机种米， 只鸡又好用心机成长， 到个厨师又用心机煮。 去到你个口你偏偏唔用心机食， 系浪费咗好多人嘅心机。如果你身边有朋友唔识得珍惜香港嘅富裕资源， 我建议你哋去啲落后国家住一排， 返到嚟香港包你成个人唔同晒。所以如果你系一个细食的小女人又想 试下庞大炸鸡扒嘅威力， 你哋可以几个女人仔食一只鸡髀， 又或者自备一个外卖盒，将食净嘅拎走。 系咪一举多得又为己为人呢？后记炸肶大到好似t骨扒， 锯下锯下真系好爽。 个饭仲有只蛋，加一些蔬菜， 营养及味道都很丰富。