影片
更多
2021-05-16
962 浏览
身为一个红虾意粉爱好者，梗系不断会去试食唔同地方嘅红虾意粉。今次去到呢间位于铜锣湾楼上嘅小店，算系比较贵价西餐厅，主打手工意粉🍝其实之前都嚟过一次，不过今次主要都系想试个红虾意粉。两个人食lunch，叫咗两个pasta 加一个甜品，七百几蚊埋单。真心几贵。红虾意粉: 摆盘唔错，食得出系手工意粉，质感有啲似硬身嘅新鲜拉面，每条面都俾虾汤包住。但系整体来讲唔算好和味，因为虾汁唔够浓，蕃茄味都唔出，而且红虾嘅食材唔够大只新鲜多汁。另外份量都好少，成年女性食嘅话应该系仅仅够。我再望一望埋隔离枱，见到人哋有预订都龙虾意粉，基本上同我呢个红虾意粉系一模一样的。就差上面只虾唔同，而且呢个红虾意粉仲贵过龙虾意粉。讲性价比真系输晒。带子扁意粉: 呢个带子意粉简直有少少失望。第一，个面质基本上同上面𠮶个面系一样嘅，只不过佢系扁身咁解，感觉就系同一个面粉搓出嚟。第二就系带子食材冇乜特别新鲜，个汁都系好普通通有啲咸味咁样。呢个价钱相对就平啲，但讲抵食又唔系。唔系难食但唔特别建议试。份量又唔系多。Tiramisu: 都系果句，我发觉西餐厅嘅甜品永远都系最好食嘅😂呢个Tiramisu系餐厅自己整嘅。因为Menu上
两个人食lunch，叫咗两个pasta 加一个甜品，七百几蚊埋单。真心几贵。
红虾意粉: 摆盘唔错，食得出系手工意粉，质感有啲似硬身嘅新鲜拉面，每条面都俾虾汤包住。但系整体来讲唔算好和味，因为虾汁唔够浓，蕃茄味都唔出，而且红虾嘅食材唔够大只新鲜多汁。另外份量都好少，成年女性食嘅话应该系仅仅够。
我再望一望埋隔离枱，见到人哋有预订都龙虾意粉，基本上同我呢个红虾意粉系一模一样的。就差上面只虾唔同，而且呢个红虾意粉仲贵过龙虾意粉。讲性价比真系输晒。
红虾意粉
74 浏览
0 赞好
0 留言
带子扁意粉: 呢个带子意粉简直有少少失望。第一，个面质基本上同上面𠮶个面系一样嘅，只不过佢系扁身咁解，感觉就系同一个面粉搓出嚟。第二就系带子食材冇乜特别新鲜，个汁都系好普通通有啲咸味咁样。呢个价钱相对就平啲，但讲抵食又唔系。唔系难食但唔特别建议试。份量又唔系多。
带子扁意粉
24 浏览
0 赞好
0 留言
Tiramisu: 都系果句，我发觉西餐厅嘅甜品永远都系最好食嘅😂呢个Tiramisu系餐厅自己整嘅。因为Menu上面有其他甜品，你问佢会讲明唔系自己餐厅做嘅。我专登试呢个自家制嘅甜品，朱古力雪糕非常浓郁香滑，tiramisu超级滑🤤不过有少少甜，但整体真系好食嘅，虽然出边嘅甜品舖应该都可以做到呢个水准，但对比起意粉，我觉得呢个更值得试。
Tiramisu
24 浏览
0 赞好
0 留言
总体来讲虽然呢间餐厅主打手工意粉，而都真系食得出佢嘅意粉系有特色嘅，不过就可能每种意粉都差唔多质感。价钱黎讲a le carte真系好鬼贵，建议大家都系食set会比较化算啲。至于会唔会返兜，我谂就未必会，因为好食嘅意粉出边大有餐厅在，宁愿试吓其他新野算😙
张贴
