新肥泉海鮮大排檔

营业中

休息中

最近天气冻冻地，好啱食热腾腾嘅炒𩠌，果日就去咗佐敦官涌市政大厦熟食中心 "新肥泉海鲜大排档"，食吓高质又特色嘅砂锅煲同小炒，感受下香港地道风味美食 ~环境方面，宽敞洁净，多人去都够位。而店舖出名各款小炒，仲有生猛海鲜、特式小菜、四川水煮、双冬羊腩煲等，样样都咁吸引呢！豉汁蒸白鳝    $168蒸白鳝超新鲜，鲜甜美味，完全无腥没有泥味。白鳝蒸得刚好熟，豉汁咸度刚好，鱼肉鲜嫩，肉质弹牙扎实，味道啱啱好，豉汁用嚟配白饭$10，好惹味。黑椒野菌牛柳粒   $118嚟大排档其实主要都系想食呢道菜。大大碟相当足料，有满满既牛柳粒，牛柳厚肉又大粒，味道非常浓厚，保持到牛肉嫩度，水准十足，杂菇、紫洋葱、青红椒炒到好爽口，食起嚟更惹味。肥泉小炒王    $98小炒王系大排档既镬气指标，材料主要用韮菜、鲜虾、虾干、鲜鱿、炸银鱼仔、叉烧、腰果等等，都好多种类，食材唔复杂，但好考功夫，呢碟小炒王够镬气，韮菜油亮爽嫩，虾干咸鲜惹味，仲有最钟意既腰果，脆脆的，令口感更丰富！可爱BB鸽    $52上台时仲系微热，油温炸得啱啱好，鸽皮十分香脆，入口肉好嫩滑，美味可口。食热腾腾嘅小炒最好配罐冰冻可乐，口感清爽。