鮨石 (已結業)

朋友去完旅行番黎即刻约佢食晚饭拎手信，呢间位于人来人往的宝勒巷，唔认真望真系差啲见唔到，真系隐世小店。晚市只有两个套餐，我地拣左神石套餐。先付系季节性萤光鱿鱼，鲜甜浓郁;柑桔味道酸甜多汁。北海道真鲷淡淡鱼香，加上紫苏花带有清香味道。白子口感绵密，味道酸甜开胃。赤贝爽口弹牙，完全冇腥味。狮鱼入口油脂含量高加上蛋黄令到鱼香味更香。樱煮八爪鱼和矶煮鲍鱼入口软林。春鱼好香烟熏味，肉质鲜嫩多汁，鱼皮香脆可口。寿司：金线鲷肉质嫩滑;北海道帆立贝鲜甜厚肉;鲭鱼入口软滑；梭子鱼鱼香浓郁；沙甸鱼嫩滑油脂丰富;中拖罗入口即溶;海胆鲜甜creamy。甜品自家制厥饼，烟烟韧韧加上香甜黑糖好好味。