祝ご 居酒屋

营业中

休息中

闹市宁静之选《祝ご 居酒屋》如果放工想轻松下，但又想约朋友系全港最旺既油尖旺区，不妨选择以下呢间打卡、倾计、野食都唔错既《祝ご 居酒屋》。串烧及烧物：牛舌+豚肉大葱卷+鸡肾+日式芥末羊架，由于同朋友都系食肉兽，所以叫咗好多烧蜜同串烧， 两款内脏牛舌同埋鸡肾份量都足够，而且肉质鲜嫩，唔会好韧。 豚肉大葱卷味道浓烈，新鲜炉下好香喷喷，口感烟韧，日式芥末羊架唔算骚，配上淡淡既芥末味非常合适，不过份量有啲少，唔够喉。饭类：烧饭团面层烧得有少少脆，但闻落系好香，饭团入面冇任何配料，如果想食有配料嘅建议要叫其他嘢食。刺身&冷吃：刺身盛合+播磨牡蛎(生蚝)，刺身包括有牡丹虾、帆立贝、鱿鱼、吞拿鱼、油甘鱼。每样刺身都非常肥美，鲜味十足，而且非常新鲜值得一叫再叫，生蚝方面叫咗两只，小小海盐味，肥美唔会好漏，又系值得推介既食品之一，饮品：静冈绿茶可乐/富士山柚子风味汽水，两款饮品既份量配撘都显得啱啱好，唔会有某一种既味掩盖左另一种既味道。另外餐厅有好多种唔同嘅米酒、梅酒、清酒等等，供客人选择，唔一定要饮我推介嘅呢两只㗎。