光榮冰室 (厚福街) (已結業)

出尖沙咀有两场活动，中间有段空档决定近近地系厚福街揾野食。呢条街真系尖沙咀最集中最多好野食既地方，短短一条街仔已经有十几样又睇得又食得既良心舖。正值下午茶时段，光荣冰室条队终于冇咁长喇，等左两张枱就有位嘻嘻。下午茶餐由廿几蚊到四十几蚊都有，叫左生炸鸡髀配沙律，一份配薯角，另外一份常餐。生炸鸡髀系冇落粉，就咁成只髀落油镬炸架，所以保留到鸡入面既水份，食落啲肉好嫰仲好Juicy，而且劲大只，我食唔晒最后都系比埋人清左佢哈哈。奶茶都唔错，茶记水准。最钟意呢度既装潢，应该话系冇咩装修，好Raw既Feel，所有餐牌都近乎系用一种男仔字手写，好有canteen feel好得意。