Untitled Cafe & Bar (已結業)

系尖沙咀刚过午饭繁忙时间，路过一直想试嘅小店就顺便试下啦！店内环境比较简单唔算高雅，白枱似一般楼上cafe，同餐牌看似用心嘅料理有风格上嘅差异，有落差感⋯店内都仲有客人，但冷气超级冻，应该本身温度都调较得偏低⋯Lunch Set同网络见到嘅餐牌一样，店员较少，少许忙但态度正常。上餐需时，用心嘅餐点本身就唔预佢似快餐咁快出餐，请耐心等候。个阿根廷红虾手制幼蛋面伴鲜制龙虾酱摆盘几吸引，红虾弹牙香口，幼蛋面略嫌蛋味仲可以再出啲，但面嘅弹性口感都唔错。酱汁刚好，够味又唔算重口，面唔会太干或太湿⋯Earl Grey几香，唔会过浓过淡👍🏼只系因为冷气偏冻，面同茶好快就吹冻左😅整体黎讲不错，只对冷气调温比较失望。