神燈海鮮酒家 (18廣場)

营业中

休息中

听日放假，今晚收工同朋友去食好嘢，位于佐敦嘅＂神灯海鲜酒家＂来到发现近乎满座，好彩仲剩返一二张枱，坐低即叫神灯酒家的拿手菜式。姜葱龙虾银丝煲：成个瓦煲热辣辣上台，打开盖即闻到香气，够晒镬气，份量超多，入口龙虾肉爽口弹牙，鲜甜无比，每条粉丝都索晒龙虾膏汁味，香气十足，食不停口。南非鲍鱼啫啫鸡：同样瓦煲上台，有4只超大鲍鱼，鲍鱼厚身，酒家先鎅刀花令鲍鱼喺烹调嘅时候更加入味，鲍鱼鲜甜入味，好有口感，鸡件腌制入味，肉质嫩滑，咸度刚好。蜜汁脆烧鳝：鳝鱼烧得金黄色泽好靓，入口脆爽带蜜糖味，啖啖肉再淋上柠檬汁，齿颊留香之余都不感油腻。浓汤一级竹笙浸翡翠：汤底真系用出诚意去煲嘅，非常浓味，竹笙好爽，大大一片大富豪炒饭：炒得非常干身，粒粒分明，朋友系无饭不欢，食咗2大碗😋最后还送咗牛乳布甸同桂花糕甜品，食完捧住个肚走，今餐大满足。