潮州邨 (已結業)

阿叔正传最近响饭局上有食友问我做乜咁耐无出食评，我未开口另一食友即抢住话：「梗系啦，你D食评咁鬼长，写一次有排先写得完啦！」心谂咁又系，所以今次的起心肝写短D ^_^早排同朋友仔系湾仔饮完野，往搭小巴途中醒起上次去完靠得住食粥，本来特登走去潮洲买卤水鹅肝，点知早得滞未开，扑个空。今次难得经过，几大都要帮衬。入到去一个客都无，可能因为已经好夜，又系Weekday原故啦。有个好友善阿叔走黎问我要乜，我话要卤水鹅肝行街，佢就招呼我同朋友坐底稍等。跟住佢又问我地点解唔坐底食野，又问我地食唔食冻蟹，重走去的只蟹过我地睇。我话不如下次啦，阿叔就好豪爽咁话：「好，下次黎我一定拣只至靓蟹比你，同整D靓野你食。」我话：「车，我下次黎你都唔认得我啦！」阿叔就答：「你我就一定认得！」跟住仲上演一幕阿飞正传中张国荣同张曼玉深情对话。阿叔一路睇住表，一路讲：「依家系二零零六年十一月二十九日零晨二时三十分，我会记得你来过呢度买卤水鹅肝。」哗！我咁大个女都未试过有人咁同我讲野，当场哂，并即时同阿叔定下盟约，不日番来帮衬！你睇，阿叔两句我就松毛松翼，连鹅肝都未试就话番来，几无性格‧‧‧莫讲话你地，就连我自己都睇唔起自