Yamm

营业中

休息中

为庆祝姐姐生日所以提早去美丽华酒店嘅Yamm食自助餐(正日系星期日比较贵)去到循例当然要行下睇睇有咩好食啦！首先冷盘海鲜有龙虾,海虾,长脚蟹,青口,翡翠螺呢啲大路嘢!之后睇睇刺身寿司啦!刺身中比较少见嘅有剑鱼同牛肉寿司，仲有特别推介三文鱼籽小圆饼。到红肉比到我有惊喜有烤所乳猪，可能主题系牛肉所以有个几有特色嘅牛肉多士(下次未必有)之后睇下铁板烧主打系海鲜，鱼虾蟹样样齐亦可选择蒸(我比较钟意蒸，不过蒸要同师傅落单)生蚝新鲜但今次好食嘅嘢有好多所以只系食咗几次，而我心爱嘅鹅肝行咗几次先见到，鹅肝唔系好似平时咁配多士而系苹果，比较美观又无咁油腻，不过冻肉色泽好似差咗啲!烟三文鱼食咗少少就无食(不过姐姐话无问题)甜品推介有自制班兰窝夫和抹茶白朱古力喷泉，呢餐饭满意度有9.5分