阿里山 (逸酒店) (已結業)

古早味蛋糕近年系香港非常流行，每次大板蛋糕出炉时散发出浓郁香气，真系忍唔住买返一件，今日经过红磡又闻到蛋糕香味，循住香味来到「阿里山」。舖头门窗都系透明玻璃，客人可以睇到店员整由清洗每只鸡蛋至蛋糕制成嘅全个过程。蛋糕有十四款口味选择，有咸有甜，连榴梿味都有，可惜本人唔好榴梿，唔系一定要试下；而值得一赞嘅系可以选择买半件，咁就可以试多d唔同味道啦，最后拣左原味及柚子蜂蜜味。原味蛋糕有浓郁蛋香味，质感非常松软，简单得黎最能够食到蛋糕嘅香甜味。柚子蜂蜜味蛋糕系店员主力推介味道，蛋糕表面有柚子皮，令松软嘅蛋糕更有口感，入口时柚子皮苦味带出蜂蜜甜味，感觉好特别。由于舖头地方有限，每次出炉蛋糕只能够出几款口味，所以见到想食嘅味道，就记得快手买左先喇。