阿里山 (逸酒店) (已結業)

之前已经食过台湾古早蛋糕都十分钟意，今次见到红磡新开阿里山台湾古早蛋糕，听闻卖相又靓味道又正，所以点都要嚟试下。拣咗日本柚子蜜味同埋朱古力味两种，日本柚子蜜味系用最新鲜日本高知县柚子皮，同埋台湾龙眼蜜做。因为柚子嘅味道独特同埋畀人一种好fresh嘅感觉，加埋台湾嘅龙眼蜜个味道，令人一试难忘。另外朱古力味系用上可可粉比例高嘅外国入口朱古力而成 ，所以口感一流同埋味道都比较浓郁但又唔会太甜，绝对值得推介。总括两个蛋糕嘅蛋味都好浓厚，绝对系真材实料，老板用心制作，下次有机会我会再试埋其他嘅味道，特别系芝麻味同埋榴梿味，呢两款都系我嘅喜爱！