SAKEH

营业中

休息中

依度嘅串烧种类有好多，整体来讲质素都好高，有啲可以单叫一串有啲就要最少叫两串。部分串烧食材出面好少见，又或者未必敢食，今次见餐厅话系用日本华味鸟或者阿波尾鸡，所以多份信心去试下鸡冠、鸡脚根，鸡冠嘅口感有啲似猪耳咁弹牙，比想像中容易接受，鸡脚根系连埋软骨所以脆口，本身想试埋提灯，可惜侍应话因为系新鲜食材唔系成日有货...另外有啲串烧嘅配搭都几特别，皮蛋芫茜豚肉卷系估唔到咁夹，鸡皮紫苏虾卷嘅口感味道有唔同层次😋海鲜方面叫咗白鳝同埋蛏子，白鳝肉厚皮脆，蛏子唔会烧得太干🥢其他串烧仲叫咗鸡心、鸡肝、厚切牛脷芯、汁烧牛肋，同样烧得啱啱好👍除咗串烧，sake都系今晚嘅重点，拣咗偏向辛口嘅鸣子舞，一边饮酒一边食串烧最适合不过！