元祖沾麵專門店

营业中

休息中

系尖沙咀厚福街既元祖沾面专门店，听人讲话系陈奕迅最钟意既沾面店，咁我地就一于唔执输去试下佢有咩特别。特制八代海赤海老沾面 $99石锅上碟果时仲系十分滚烫，能够保持滚烫既温度系食沾面既最基本要素，佢地呢样做得非常好。沾面上面有好多配料，分别有叉烧，笋，紫菜，溏心蛋等等，其中叉烧有稍微火炙过，焦香味十分出。沾面汁上面有好多樱花虾，入面都有好多豚肉，成个汤底极重虾味，材料认真唔马虎，配搭上黎味道十分夹。 面质方面系偏弹牙，如果平时钟意食爽口既口感既话呢度既面岩哂你。极上芝士蟹皇沾面 $148沾面同配料同上面果碗系一样，不过个汤底唔同味道，带有少少龙虾既味，而且入面仲有龙虾肉，真系非常豪华。另外呢个面最紧要紧系个芝士蟹盖，芝士下面就系蟹膏，非常惹味，十分满足。