亞哥滷水專門店 (已結業)

亚哥卤味特登揸车入嚟帮衬过好多次 入面大部份嘢都好好食 绝对系用心制作 冇揸流摊 最紧要干净卫生 呢个时势真系好紧要 朋友仔最爱佢哋嘅凉拌莲藕 老实讲我唔系好钟意食莲藕 不过食过味道系ok好食 但朋友仔次次嚟亲都买两三盒走好夸张 反而我最钟意佢哋嘅凉拌麻辣墨鱼咀 佢哋啲墨鱼咀超大粒 切开咗一半都有半粒蛋黄咁大 麻辣汁好惹味 但又唔会辣到飞起 一兜入面仲有少少青瓜 呢个真系食上瘾 我连汁郁饮埋🤭不过成日好快卖晒同埋唔系成日有 因为老细话佢哋唔系特登入货墨鱼咀 而系要等卤味𠮶啲墨鱼切出嚟先有 真系储钱咁储 😂😂