Hemma

营业中

休息中

见IG好多人介绍呢间隐世Cafe，讲到佢嘅cheese cake超好食，今日特登经过西环过嚟试吓！其实之前已经嚟过两次，都冇开门，开头以为系佢系好有性格，原来逢星期一系唔开门，大家记住啦！唔系就好似我咁食闭门羹！间舖头有两层，分别系地下同楼上一楼！上边好多位，但系冇乜冷气，如果天气热，会食到成身大汗！反而楼下就几好，但系座位唔多！不过我好建议坐楼下，因为可以睇到店员手冲咖啡的表现！一场嚟到，梗系叫个cheese cake啦！本来谂住叫原味，但系今日想食啲特别啲，所以就叫咗 Earl Grey Burnt Cheesecake。另外，我同朋友都分别嗌咗杯cold black coffee 和 Flat white! 佢啲手冲咖啡可以嗌唔同嘅咖啡豆，你可以问店员因应你嘅喜好选择适合你嘅咖啡豆，之后就冲杯咖啡俾你饮！本身对Earl Grey Burnt Cheesecake已经好有期望，最后真系冇失望，非常好食，软硬适中！除咗食到芝士的香味之外，Earl Grey 的味道亦都好出！加埋个底嘅饼皮，真系好正！最难得嘅系，两杯咖啡都好好饮！而且睇住店员手冲咖啡，真的很治愈！