影片
更多
2019-04-25
3163 浏览
呢间扒房一直喺我嘅必试餐厅嘅list入面，趁住周年纪念日就同老公去咗食。话就话系Grand Hyatt Steakhouse,但其实入口并唔系喺酒店入面，而系喺酒店正门嘅侧面有个䢂口，搭䢂或者行楼梯上去先会到达间餐厅。餐厅帮我地安排嘅位置虽然系窗口位，但其实系冇咩靓景睇嘅。因为窗外嘅风景系酒店lobby同酒店食自助餐嘅位置，钟意食无敌风景嘅朋友真系唔需要特登安排坐窗口位。第一道菜系扒房送嘅蒜蓉包，香味扑鼻而且外脆内软又热辣辣，真系非常好食。最值得赞嘅系蒜蓉牛油系搽满整个包，仲要系一块面包嘅两面都搽满，真系好有诚意。如果唔系要留肚食其他嘢，真系好想叫侍应再添啲包。前菜我地叫咗个蟹饼，每一啖都系满满嘅蟹肉，而且表面脆脆地，加埋个酱真系好食。我系一个好钟意食蟹但又好懒剥壳嘅人，如果你同我一样，就一定要试下个蟹饼。主菜就当然系牛扒，我就叫咗rib eye，熟嘅程度系medium rare。上菜嘅时候侍应会问你要唔要芥末，亦有好几款芥末可以选择，我自己就拣咗松露芥末。可能我地期望过高，牛扒相比前菜同蒜蓉包真系有点失色。牛肉肉汁唔算多，口感亦偏鞋，食落真系有啲失望，终究我系冇食哂块牛扒，反而配菜嘅
话就话系Grand Hyatt Steakhouse,但其实入口并唔系喺酒店入面，而系喺酒店正门嘅侧面有个䢂口，搭䢂或者行楼梯上去先会到达间餐厅。
餐厅帮我地安排嘅位置虽然系窗口位，但其实系冇咩靓景睇嘅。因为窗外嘅风景系酒店lobby同酒店食自助餐嘅位置，钟意食无敌风景嘅朋友真系唔需要特登安排坐窗口位。
第一道菜系扒房送嘅蒜蓉包，香味扑鼻而且外脆内软又热辣辣，真系非常好食。最值得赞嘅系蒜蓉牛油系搽满整个包，仲要系一块面包嘅两面都搽满，真系好有诚意。如果唔系要留肚食其他嘢，真系好想叫侍应再添啲包。
蒜蓉包
65 浏览
0 赞好
0 留言
前菜我地叫咗个蟹饼，每一啖都系满满嘅蟹肉，而且表面脆脆地，加埋个酱真系好食。我系一个好钟意食蟹但又好懒剥壳嘅人，如果你同我一样，就一定要试下个蟹饼。
蟹饼
49 浏览
0 赞好
0 留言
主菜就当然系牛扒，我就叫咗rib eye，熟嘅程度系medium rare。上菜嘅时候侍应会问你要唔要芥末，亦有好几款芥末可以选择，我自己就拣咗松露芥末。
Rib eye
86 浏览
1 赞好
0 留言
可能我地期望过高，牛扒相比前菜同蒜蓉包真系有点失色。牛肉肉汁唔算多，口感亦偏鞋，食落真系有啲失望，终究我系冇食哂块牛扒，反而配菜嘅芦笋同松露薯条就食哂。
不得不提嘅系配菜中嘅芦笋系完全无渣，熟嘅程度系啱啱好，味道鲜甜。
而松露薯条你睇相就知唔系用松露油敷衍你，薯条上面𠮶堆系真黑松露嚟架！！
松露薯条
54 浏览
0 赞好
0 留言
最后甜品叫咗一客苹果金宝，一上菜无谂过咁大碟！对两个食到有啲饱嘅人嚟讲真系会食唔哂。但食咗一啖之后，我真系好想要传说中的第二个胃，因为真系好好味呀！连埋佢隔离嘅软雪糕一齐食真系一绝。
Apple Crumble
108 浏览
0 赞好
0 留言
软雪糕奶味虽然唔重，就咁食冇乜惊喜但系因为苹果金宝上面嘅脆脆牛油香味好浓，口感酥脆，如果雪糕好重奶味沟埋食落口会好腻。 而家咁样反而啱啱好。
我觉得呢间扒房嘅食物环境服务都系好嘅，我自己亦会想再嚟食，但下次去应该就唔会食牛扒(笑)。
张贴
