碼頭上魚

营业中

休息中

码头上鱼（元朗）元朗凤攸南街9号好顺利大厦一座一楼2号舖=============俾佢嘅中式装修吸引住，又靓又中国风！我哋拣咗鲗鱼锅，佢真系成条鲗鱼放入汤底俾我哋打边炉！滚起咗之后，条鱼啲鱼肉都可以拎嚟食，佢嘅味道留了在汤底非常鲜甜，整个汤底都系奶白色，所以我哋叫埋乌冬！贪啲乌冬可以吸收埋啲鱼汤精华😆😆由于我同朋友都非常钟意食鱼，所以我哋另外叫多咗一条鲈鱼！啲鱼非常鲜味，滚一阵就食得啦，鱼肉非常滑！餐厅非常细心，个锅入面有个兜可以装住啲鱼肉，咁就唔怕啲鱼滚完唔知去咗边。再加埋鱼头落去个汤底，令个汤味更加浓郁！我哋另外叫咗椒盐豆腐，佢细细粒，外脆内院，椒盐味非常足！同埋因为佢细粒，令到外皮同内涵嘅比例非常适中！😍😍最后叫咗水饺同云吞仲有生菜等等，味道不错！我哋打边炉到最后，食完啲𩠌我哋再不入面啲汤嚟饮，真系大满足！个汤底已经吸收晒所有食物嘅精华😍 而且汤底入面本身有红枣，令到汤非常鲜甜😍非常推介大家拣呢个汤底！