三多炸肶 (已結業)

由于食左餐唔太满意嘅上海菜（参考元朗京沪村食评），我未够饱，所以我再去左三多，打算食只炸脾顶顶肚。因为上次叫套餐，饮品冲得唔系太好饮，今次就决定单点鸡脾。睇睇下，又想试埋其他野，但原来佢地除左鸡脾嘅价钱系较抵食之外，小食都唔平例如：炸芝心丸系$45、鸡软骨系$50咁由于我冇食过，唔知份量如何，但单睇价钱，我唔会点，所以最后只系点左炸脾、肠粉。三多炸鸡脾 $29同上次嘅感觉一样，依然炸得好香脆，鸡肉好滑，但都系觉得肉冇乜味，我食就一定要加辣粉香辣肉碎炒肠粉 $35本来见肠粉要三十几蚊，都唔系好舍得点，但朋友话想食…睇落就几大兜，但实际肠粉份量唔多。食落几惹味，不过真系贵左少少。话明香辣肉碎，酱汁就有，但我地觉得唔够辣。而且炒肠粉，炒到咁湿，纯粹个人口味唔太啱食。肠粉大大条，但唔系特别滑，仲有些少硬身…我下次都系食番炸脾算~