Relish

营业中

休息中

假日早起身周围揾食，今次系第2次去呢间餐厅度食饭，两次都冇令我失望。今次去食晏昼，一早起身就去咗食，所以唔使排队，食咗两个餐，饮品转咖啡，再加甜品，共HK$484。北海道带子蕃茄忌廉汁牛肝菌意式云吞 HK$158配搭蕃茄忌廉汁，令到成碟野唔会太滞，个馅好好食。鲜澳洲黑毛安格斯100天谷饲牛肉眼（8oz）伴炒野菜 香草洋葱烤薯仔HK$198煎得岩岩好，5成熟唔会太生或过熟，牛味浓。转左两杯咖啡Dirty Yuzu Lemonade Coffee Soda十分推荐柚子啡，呢个配搭唔系间间都做得到咁出色！最后追加个甜品焦糖千层酥配马达加斯加云呢拿吉士其实我已经饱到食唔落，但系朋友好想试，好彩有试，佢个皮好脆，吉士唔会太甜，整个配搭都好正。环境方面大大个月球装饰，好食又衞生，装修又可打卡，服务态度好既小店真系要写个食评赞下。