食遇上海料理

营业中

休息中

难得今日同朋友入左天水围做野，收工都差唔多8点行入商场仔揾到呢间上海餐厅黎食，舖头细细但望落都吸引，就算夜晚8点几9点都仲唔少人坐低食野。上海小笼包 $32/4只 叫左笼小笼包食，即叫即蒸。望落皮唔算太厚，吹冻少少成只放入口食。入面多汤汁，肉汤同肉香都系晒到，沾左少少姜陈醋一齐食，正。蒜泥白肉 $42另外点左小食同朋友两份share。发现都唔少，几厚切。蒜末够多，酱汁有d豉油加埋少少辣油，食落几惹味。上海排骨担担面 $45 汤汁唔算太过杰身，但汤汁嘅杰度可以挂到系面身身上，面身咬落有弹性几好食。个花生酱味几浓厚嘅，少少地嘅辣度食落更加有胃口。块排骨炸得够脆，食落够味，肉身厚。椒盐排骨菜饭 $54菜饭无油健康嘅，块椒盐排骨好大块而且够脆。椒盐几香口，少少辣，个味够晒开胃，不过有多个酱可能会仲好。上海津白 $24菜就不过不失啦，份量OK唔算少。叫返个菜食消消腻都要。