影片
更多
2018-06-20
159 浏览
一讲食台湾野，第一时间就只会谂起牛肉面、肉燥饭、卤水蛋、面线、珍珠奶茶... 不外乎来来去去都系个几样。而今晚食既台湾菜终于都唔系平时成日食到既，而系食海鲜，台湾既海鲜菜呀！！！ 第一次听晌香港有台湾海鲜菜，真系好神奇。夏天天气太热，所以叫两个冷盘先。一个系醉鸡卷、另一个系冰镇八爪鱼🐙 醉鸡卷卖相几靓。食落有浓烈既花雕酒味，又无骨，大大旧啖啖肉，最岩唔钟意啐骨既懒人。冰镇八爪鱼切成薄片，一D都唔硬唔韧，仲有两个汁可以配。一个系wasabi豉油，另一个系柚子醋，有啃有唔啃，任我点，钟意点乜就点乜。朋友钟意wasabi豉油，因为够刺激。我就钟意柚子醋多D，贪够清新。太热又忍唔住嗌野饮，嗌左一杯荔枝梳打、一杯柚蜜。荔枝梳打有少量酒精，但无所谓，好甜好易入口，又够冰冻消暑，岩晒我。一饮透心凉。主菜嗌左奶油虾，然后店员仲推介要叫埋葱油饼，可以配点奶油一齐食。奶油虾成锅上，自己未食都可以相机食先😂 一路影一路流口水，因为劲香洋葱奶油味。虾🦐好新鲜，啖啖肉。店员推介好，配埋热辣辣又香又松脆既葱油饼，真系好好食。店员又介绍我地食今期时令菜，清炒羽衣甘蓝。一上菜，望落大碟又新鲜，绿油油。食落仲会知用左上
夏天天气太热，所以叫两个冷盘先。一个系醉鸡卷、另一个系冰镇八爪鱼🐙
醉鸡卷卖相几靓。食落有浓烈既花雕酒味，又无骨，大大旧啖啖肉，最岩唔钟意啐骨既懒人。
冰镇八爪鱼切成薄片，一D都唔硬唔韧，仲有两个汁可以配。一个系wasabi豉油，另一个系柚子醋，有啃有唔啃，任我点，钟意点乜就点乜。朋友钟意wasabi豉油，因为够刺激。我就钟意柚子醋多D，贪够清新。
太热又忍唔住嗌野饮，嗌左一杯荔枝梳打、一杯柚蜜。荔枝梳打有少量酒精，但无所谓，好甜好易入口，又够冰冻消暑，岩晒我。一饮透心凉。
主菜嗌左奶油虾，然后店员仲推介要叫埋葱油饼，可以配点奶油一齐食。奶油虾成锅上，自己未食都可以相机食先😂 一路影一路流口水，因为劲香洋葱奶油味。虾🦐好新鲜，啖啖肉。店员推介好，配埋热辣辣又香又松脆既葱油饼，真系好好食。
店员又介绍我地食今期时令菜，清炒羽衣甘蓝。一上菜，望落大碟又新鲜，绿油油。食落仲会知用左上汤纹炒，无晒一般平时食既苦涩味，非常爽脆好食又健康。
第一次食咁有特色既台湾海鲜菜 😋 Yummy yummy~
舖头虽然细，但装潢设计骨致，有个挂墙地图仲教埋台湾地古名，真系好有趣。得闲再约朋友黎呢度食，三三两两就最岩啦。就算情侣档黎都无有怕，因为份量唔会好似香港大排档食海鲜要接近十人份，大大锅咁惊人😂
张贴
