馬來亞春色綠野景緻艷雅 (已結業)

柴湾地铁站行5分钟左右，有一幢工厂，工厂入埋既某一层，隐藏左一间好正宗既马来西亚野。你上到去未打开门都睇唔到佢系一间餐厅，够神秘呢！咁你以为好隐世好神秘。一入到去，lunch hour都系接近full house。咪话香港人唔识食。好多食客叫Laksa。但我今次就食佢声称「三代祖传秘方」既肉骨茶。讲开又讲，肉骨茶有分新加坡式同马拉式。坡式主要用胡椒；马拉就会用多种药材（当归川芎之类）。见人见智，相思子就中意后者多d。入正题。啖汤好正！香浓，层次丰富。够药材味，同时又清甜又惹味，令人有种一啖接一啖既冲动，有d吉隆坡新峰既感觉（个汤一定好饮过荃湾西好多人排既x妈）。排骨肥瘦适中（唔客易，好多间都太瘦太肥），有少少软骨，够入味。蘸埋沟左蒜蓉辣椒既马来西亚黑酱油就更好！油饭整得好。微微有有香味，唔会油腻，唔会太浓，唔会喧宾夺主。肉骨茶最紧要咩？就系个汤。所以，ok you win. 俾个like你。