大圍小館

营业中

休息中

见到门口劲多人就有D想缩沙，好彩友人们早到了，攞完飞仲有20张枱先到我地，但眨下眼半小时就有位，原因系入座只限90分钟。其中黑松落露酱松子仁蛋炒饭同第一叉令我最深刻，第一叉劲厚咬睇落似干叉但食落去好松软好香好出色！黑松落露酱松子仁蛋炒饭粒粒分明，大量松子仁（松子仁有很多益处，其中护心减疲劳、润燥滋阴等），一啖果仁一啖饭口感十足。鲜山葵海蜇头足料，够大粒，爽口，系鲜山葵令到我个脑有2秒休克。推介！至于点心就大大件，但因为想试好多唔同怀旧精致菜，所以下次有机会再试多D唔同点心。明烬脆皮烧鹅小许失色，上网睇好似好正，睇落都好似好好食，但肉稍为靱，有点失望。四个人除番开都系二百几蚊，抚心自问食物咁高质又唔使周围抢位排队，唔使上网指定日期狂禁F5，唔使靠关系先食到既餐厅真系少之有少。