籽泰 (已結業)

同朋友去开荔枝角玩workshop，之后行左去Aeon个边揾野食，行到最入见到呢间泰菜就入去试试佢😋叫左4个菜式都好高质，而且份量岩岩好～2个女仔最后捧住个肚返屋企😆泰北咖喱鸡锤黄金面⭐️⭐️⭐️⭐️老板推介必试「泰北咖喱鸡锤黄金面」果然出色～喺泰北非常有名气嘅招牌黄金面，原来系全球50大美食排名首位！红咖喱配上各种香料熬制嘅汤底超浓郁，令面条入晒味而保持到面质有弹性，配埋香脆嘅黄金面条，呈现2种唔同嘅口感～整体嘅辣度恰到好处，仲有大大只嫩滑鸡锤添，满足！青咖喱羊腩⭐️⭐️⭐️有好多件羊腩而且煮得好入味又腍，青咖喱食落辣辣地，后劲有微微甜味，送饭一流！猪肉碎生菜包⭐️⭐️⭐️辣度方面系咁多个菜式之中最辣，但系超惹味～肉醉肥瘦均匀，食到香料嘅味仲有油脂香～原只烧鱿鱼⭐️⭐️⭐️烧鱿鱼好肥美，啖啖肉好正，配嘅汁好特别，味道似平时食甜虾刺身嘅汁酱，但系冇咁辣，值得一提嘅系点鱿鱼个汁系热嘅，并非就咁倒出嚟现成嘅汁，好味又有心思～