大飯糖甜品小食屋 (已搬遷) 新店位置

虽然平时都黎得多屯门，但每次都唔会去到咁入，因为屯门一入就真系好似番左乡下咁。今次因为当地朋友诚推，就专登黎到洪水桥食甜品，我谂呢间甜品铺，当地人应该无所不知，因为当地就得呢一间系食甜品😂😂中西式嘅甜品都有，选择颇多。法式焦糖炖奶。上面烧左烧焦糖面，加埋好浓郁嘅牛奶香，系好正！炖奶唔算好滑，但厚实感令人好满足。超级榴梿山。出面好少有榴梿味嘅锦锦冰，所以身为榴梿控嘅我，一见到就毫不犹豫咁嗌左。榴梿冰好浓味，榴梿球更加系浓味，有埋榴梿粒粒系入面，系食得出嘅足料！不过略嫌佢卖相真心麻麻，所有野都系白色到淡黄色，冇对比色之下，激发唔到食欲。木瓜3.6奶昔。又系一个足料之作，食得出嘅冇沟水，因为真系好杰身。木瓜唔够甜，不过都好彩冇加糖，饮完觉得自己健康左。总括黎讲，系意想不到地咁高质，有大大嘅惊喜，性比价好高，值得搭多两三个站轻铁黎食。