影片
更多
2017-10-16
36 浏览
可能因为系工厦入面，平日晚饭时间上到来，都唔系好多人。少人就啱晒，正正想放工之后同朋友吹下水叹下串烧。烧大蚬一碟有四只，除咗蒜蓉先外，仲有少少蟹子，味道辣辣地。墨鱼肠十分推介！出面好少有！好有台湾风味，有粒粒墨鱼肉，如果可以再烧热啲就更好啦。明太子烧饭团都好推介！饭团外边烧到脆脆，入面都有几多明太子，加埋沙律酱食，好开胃。烧豚肉串，外面烧得脆，而豚肉仲好嫩👍🏼忌廉饼虽然唔系啲咩特别嘢，不过我一向都好钟意食，而忌廉饼都好有水准。炸鱿鱼圈，都几大份，抵食👍🏼除咗串烧之外，仲有刺身食，三文鱼刺身一客四件，超级厚切！食咗咁多热气野，梗系要下下火，叫咗杯水果茶试吓，好大杯，而且入边都有好多生果，重点系一啲都唔甜，好有健康嘅感觉啊！
烧大蚬一碟有四只，除咗蒜蓉先外，仲有少少蟹子，味道辣辣地。
墨鱼肠十分推介！出面好少有！好有台湾风味，有粒粒墨鱼肉，如果可以再烧热啲就更好啦。
明太子烧饭团都好推介！饭团外边烧到脆脆，入面都有几多明太子，加埋沙律酱食，好开胃。
烧豚肉串，外面烧得脆，而豚肉仲好嫩👍🏼
忌廉饼虽然唔系啲咩特别嘢，不过我一向都好钟意食，而忌廉饼都好有水准。
炸鱿鱼圈，都几大份，抵食👍🏼
除咗串烧之外，仲有刺身食，三文鱼刺身一客四件，超级厚切！
食咗咁多热气野，梗系要下下火，叫咗杯水果茶试吓，好大杯，而且入边都有好多生果，重点系一啲都唔甜，好有健康嘅感觉啊！
张贴
