萍姐美食 (已搬遷) 新店位置

同事介绍既串烧店，讲到好吸引，即刻把握最后喺长沙湾既日子去试下好唔好食🤙，虽然环境的确会差啲，但喺街边坐喺度食的确别有一番风味。—————————————————————因为朋友唔食得辣，所以叫小辣，但发觉真系无咩辣既感觉😂#纽西兰羊架 💰33 （一件）❤️‼️必叫‼️肉质食落好嫩，唔会过熟岩岩好🤙#鸡肶皇扒 💰28 ❤️大大块鸡扒，鸡皮烧得好香脆，鸡肉唔会好「鞋」，职员仲会帮你剪开佢，好贴心。#鸡中翼 💰26（四只）❤️烧鸡翼，我中意食🤤都系烧到肉嫩爆汁，如果加啲蜜糖会更正。#泰式猪颈肉 💰19❤️对呢个印象最深刻，咬落好juicy ，超好味！#原条蒜香茄子 💰26❤️茄子好软，蒜香味好够，只系有啲边边位烧得未够熟。#烧韭菜 💰13❤️平时唔食韭菜既我，食串烧都一定要食。#鸡软骨 💰13价钱可以如果再平啲就好，太细粒无咩特别。#爽口火鸡肾 💰18中意食鸡紧一定会叫呢个，大大旧好爽口。#烧烧卖 💰14（六粒）本身对呢个好期待（以为系炸），点知食落好普通，成口粉，好普通，唔值得试。#香烧日式墨鱼嘴💰21份量都有几多，食落好有咬口，但呢个唔算重口味。两个人食完已经超级饱同好满足。🤙整体分数：7.5/10—