翠林辣蟹舫

趁而家限聚令仲可以食晚市，梗系趁收工同朋友喺尖沙咀周围揾吓有咩好食啦。醒起以前食lunch喺亚士厘图见到有唔少餐厅，今次就决定过去。亚士厘道个位其实有少少难揾，需要喺海防道穿过宝丰大厦个大堂。餐厅位于二楼，座位之间都好阔落。侍应姐姐好热情咁介绍我哋今期特价之选，餐厅而家唔同嘅菜式分别做紧五折同埋八折，海鲜都有呢个折头真系好抵！今次我哋食咗3道𩠌，首先系瑶柱龙虾。第一次是用瑶柱同埋香辣肉碎等嘅配料去炒龙虾肉，非常新鲜同埋惹味，而且肉质好鲜嫩。再加上做紧五折抵呀！跟住就系避风塘猪手虽然价钱平但系份量好十足，平时食避风塘最钟意就系佢啲炸蒜而佢哋都整得好香辣。唔似得平时喺出边食，佢哋仲有精心摆盘。最后一道就系金银蒜蒸茄子食咁多肉梗系要食返少少蔬菜啦，我哋拣咗食茄子。餐厅好用心咁整走晒茄子嘅紫色皮，惊影响口感。呢味𩠌不得了送饭一流，如果我仲食得落嘅话一定会加一碗白饭，实在太香口！最后两个人埋单$598，包埋菜芥。今餐饱到连猪手都食唔晒。对于海鲜餐来讲我觉得价钱差唔多啦，虽然佢有做好多优惠但系绝对冇Hea你嘅感觉。下次再嚟嘅话我要试吓佢嘅蟹。