火赤

营业中

休息中

完全唔知尖沙咀有咁高质嘅串烧🤯🤯呢间隐世嘅楼上日式串烧专门店系用左日本农场直送嘅食材，所以材料非常新鲜！即叫即烧！佢哋主推烧鸟，而且有不同嘅鸡内脏🐓而且仲有个好大嘅平台露天用餐区添~啱晒一大班人饮酒吹水😆😆烧鳕鱼干作为前菜好适合，香脆又鲜味，十分之开胃！佢哋特别准备咗六色盐俾我哋点串烧，包括抹茶盐🍵、柚子盐🍊、咖喱粉🥘、一味粉、七味粉同山椒粉🌶️，加少少就可以令串烧更加惹味🤤今次第一次食鸡下心同鸡食道,意外地烧得好入味,鸡食道好爽口几特别！鸡腿肉好滑，外边仲包住一层鸡皮，烧到外脆内软滑😋鸡肉软骨棒配上日本蛋黄呢个配搭世一！除咗鸡之外佢哋都有其他款式嘅串烧，水牛芝土烟肉卷入口即溶😍芦笋烧得刚刚好！福冈安纳芋超甜🤤好喜欢！仲有酱油烧饭团系用日本新潟县产嘅米🍙外脆内软！最后仲有抹茶厥饼作点缀💚💚 职员服务都好好！