班蘭葉印尼餐廳

营业中

休息中

平时系铜锣湾行街，都系行大街多，好少会经过呢边。今日行过呢度，门口细细，以为只系卖印尼小食，但只要细心留意，就会发现佢原来系间特色餐厅，本著行过路过唔好错过，一于试下先。餐厅面积唔系特别大，装饰有特色。侍应好细心，会为我地介绍有乜嘢地道特色食物。我地最后拣左两个主菜同饮品。印尼四大天王饭，有四款印尼特色菜同饭一齐食，一次过满足贪吃嘅我。最欣赏系鱼干仔花生，好脆口，伴饭食特别有口感。班兰鸡鸡髀好滑，鸡味又重。巴东牛肉份量唔少，肉质软稔，如果多啲汁会更好。印尼花胶汤班兰鸡粉皮，真材实料，好大块花胶呀，感觉食左胶质即刻提升。粉皮好滑，入口即刻sir入喉咙，仲要吸左花胶汤精华，特别好食。鸡嘅份量大大份，鸡肉厚实但唔嚡口，鸡皮唔会有太多脂肪，连皮食都唔会觉得油腻。饮品拣左柑桔青瓜冰同杂锦冰。柑桔青瓜冰好足料，好fresh, 好啱夏天饮。杂锦冰色彩缤纷，绿豆，凉粉，唔同颜色嘅粉条都有，仲有牛油果肉系表面，椰汁香甜，同糖浆比例啱啱好，贪心嘅我咩都试到觉得好满足呀。特别一赞，老板除左会介绍美食外，仲会问下食客对食物嘅意见，倾下计，呢啲就小店嘅人情味。