上海老家 (已結業)

位置虽然唔系大街岀面，但系都见到好多人过嚟买外卖同堂食。上海炒年糕 $78去到上海舖肥妹仔一定会叫炒年糕食！佢嘅年糕炒得一啲都唔油腻，烟烟韧韧，老抽上色好靓，咸度适中。有肉丝同埋椰菜，上枱嘅时候热辣辣，好好食。黑醋小排骨 $138呢个值得一赞排骨，排骨炸得好香脆，入边咬落去肉汁爆出嚟。黑醋嘅味酸酸甜甜，超级开胃，食落去个酱汁好浓厚。四川腊肉炒椰菜花 $138肥妹仔第一次食四川腊肉，原来同广东腊肉好唔同！四川腊肉系有一浸烟熏味，佢嘅肥肉偏多，但系食落去一啲都唔肥腻，反而好似啲牛筋咁样烟烟韧韧。椰菜花爽口好食。