The Pearl

今次再到访呢间餐厅，已经换上万圣节嘅装饰，迎接万圣节当日嘅庆祝活动，餐厅仲有好多一位香港艺术家嘅作品，充满着成间餐厅，中间有张大长枱都系出自呢位艺术家嘅手笔，环境舒适，职员好殷勤，嘢食超水准，超级推介！哈密瓜帕马火腿沙律无花果缺货换上嘅哈密瓜非常清甜，火腿唔会太咸，同沙律菜非常夹，仲有黑醋汁可以稍为解腻。吞拿鱼牛油果泡沫他他配自制罗勒油吞拿鱼好新鲜，而且份量好多，夹埋口感清爽嘅牛油果泡沫，酸酸地，作为前菜非常开胃，比起出边食到嘅吞拿鱼他他，呢度无论系卖相定系味道都更胜一筹。和风酱油大虾烟肉扁意粉和风酱油口味比想像中更出乎意料地出色，甜甜咸咸嘅酱汁估唔到同意粉系咁夹，大虾爽脆有咬口，一只都冇霉，仲有烟肉嘅油脂亦都带出香味。香煎牛封门柳封门柳一向都系我首选食牛嘅部位，牛味重得来肉质又唔会靭，餐厅煎嘅火候啱啱好，锁住入边嘅肉汁，亦都保持到牛肉嘅嫩滑口感，而下面嘅薯蓉都好绵滑！Pearadise🍸Milk, Tea or Me🍹前者适合唔太识饮酒，但系想嗌酒精嘅人，好重梨嘅果香味，甜甜地，酒味非常轻；而后者嘅酒味比较重，亦都有酸酸地嘅果味。