好味來正宗重慶美食 (已結業)

今日接男朋友收工，佢突然想食辣野，见呢间重庆野啱啱新开，于是就过嚟试试坐低冇耐，老板娘即好热情咁介绍佢地唔同既招牌菜呢度整体既价钱比较平民，尖沙咀来讲唔太贵，而且可以选择嘅款式多，例如水饺、串串、担担面同小炒等餐厅环境都几新净，不过我哋食饭果张枱就唔系太稳，少少郁黎郁去，店主需要留意番啦～口水鸡系呢度嘅招牌菜，呢间嘅口水鸡暂时系我食过数一数二既好味，啲鸡非常新鲜嫩滑，酱汁调得刚刚好，看似好辣，但实质上唔会太辣，几易入口手撕鸡面都好正，我就叫左少少辣，一夹起啲面就挂起汤汁，食得过瘾！最后我哋仲叫咗白菜水饺，呢度皮薄馅靓，点埋辣酱油一齐食， 非常好食，十分推介！