嘉豪酒家

营业中

休息中

同几个朋友来打牌，呢度其实都十几年历史，属街坊酒楼，但平日少过来这一边所以今次都系第一次帮衬。雀局菜四菜一汤，有饭有果盘有糖水，仲有几大间的独立房，有电视睇，所以都几抵。晚饭要移师去大厅食，菜色是一斑两吃，清蒸及西芹炒斑球，叉烧一碟及金银蛋浸苋菜，同埋海鲜羹。斑味道是不错，清蒸都没有腥味，几好，而西芹炒斑球就比清蒸来得逊色；叉烧都唔错，半肥廋又唔韧，几好食，可惜冷气太劲，食到半路已经有层猪油凝结在上面，令人却步；金银蛋苋菜同海鲜羹都OK，甜品是南瓜露，都唔错，亦有粒粒南瓜同南瓜蓉，味道不比甜品专门店的差。埋单468蚊，已包酒水同加一，仲可以打到三点几，都打得过。