影片
更多
2017-01-12
5713 浏览
由于老婆转食素多年，但就唔喺全素，都会食啲白肉及海鲜，而身边原来亦有唔少朋友都一样有食素嘅习惯，同样唔喺全素，只喺偶然为之，就算无食素嘅朋友，都好接受食素（限一餐半餐啦），所以，茹素再唔喺好似以前食斋咁咁专登嘅事，加上近年素食店都开唔少，且甚具特色，在追求健康嘅前题下，素食店应大有可为。就好似之前曾光顾嘅素食店「悠蔬食」，卒之跳过海晌九龙开店，超方便到我老婆。话虽为分店，但店名有别，加多个「雅」字，却更有诗意，而且，空间比铜锣湾店更阔落。一踏入店内，一室紫与白，云石地板、素白窗纱、雅致盆栽、摩登吊灯……都令餐厅变得光洁而有份高雅气质。除少量卡位，有多组二、四人枱，适合三五知己聚餐。转入餐厅内笼，跟铜锣湾店一样，设有两个贵宾厢房，亦可打通共用。所以，一大棚人晌度开一、两围都无问题。打开餐牌，罗列咗好多选择，由午市套餐、下午茶套餐、晚巿套餐，以至唔同时段嘅散点、甜品、饮品，仲有多款供12人享用嘅围菜，真喺唔同时段嚟都有大把选择。不过，温馨提示，餐厅晌唔同时段均设有唔同嘅最低消费额，例如，晚市就每位$200，但以前已问过，都唔喺强硬性执行，指标性嘅作用比较多啲。都唔喺第一次光顾，知道佢哋啲晚
话虽为分店，但店名有别，加多个「雅」字，却更有诗意，而且，空间比铜锣湾店更阔落。一踏入店内，一室紫与白，云石地板、素白窗纱、雅致盆栽、摩登吊灯……都令餐厅变得光洁而有份高雅气质。除少量卡位，有多组二、四人枱，适合三五知己聚餐。
转入餐厅内笼，跟铜锣湾店一样，设有两个贵宾厢房，亦可打通共用。所以，一大棚人晌度开一、两围都无问题。
打开餐牌，罗列咗好多选择，由午市套餐、下午茶套餐、晚巿套餐，以至唔同时段嘅散点、甜品、饮品，仲有多款供12人享用嘅围菜，真喺唔同时段嚟都有大把选择。不过，温馨提示，餐厅晌唔同时段均设有唔同嘅最低消费额，例如，晚市就每位$200，但以前已问过，都唔喺强硬性执行，指标性嘅作用比较多啲。
都唔喺第一次光顾，知道佢哋啲晚巿套餐份量足又抵食，5道菜包括前菜、手卷、汤品、主食及甜品，定价只喺$228-$238 + 10%，绝对岂止一人份量，所以，3人行，点两个套餐再加少少散点，唔怕食唔晒嘥嘢，又一定过到最低消费额！
四喜烤麸称得「四喜」，梗喺有4样嘢啦：烤麸、木耳、笋片及毛豆，烤麸软绵吸满酱汁，食落烟韧咬口；木耳爽脆，营养益有。
柚香红菜头苹果拌合桃除咗有一道日本山药面线拌热情果汁，依一个红菜头苹果拌合桃我就觉得喺佢哋嘅招牌前菜，卖相娇红已够吸引，而爽脆嘅苹果粒，软腍嘅红菜头，再配搭香脆嘅合桃，唔止口感多变，更喺健康富营养。
柚香红菜头苹果拌合桃
96 浏览
2 赞好
0 留言
呢一道前菜未试过，喺鸡丝粉皮嘅素菜版，「鸡丝」以一啲类似面根碎（沙姜豆）嚟代替，外观及口感都几像真，配以柔绵嘅粉皮及清爽嘅青瓜丝，晌浓郁嘅麻酱衬托下，味道富层次。
露笋素香松苜蓿芽手卷、香芒牛油果苜蓿芽手卷我哋点两客晚餐，就有两客手卷，但手卷比较难「些牙」，所以就散叫多点一客。以有机苜蓿芽代替米饭，加埋嫩滑无渣嘅露笋、清爽嘅青瓜及有啲咸香嘅素香松，咬落爽爽脆脆，又清爽。另一款以芒果及牛油果取代露笋及青瓜，高纤嘅苜蓿芽夹杂软绵嘅牛油果同鲜甜嘅芒果，同样清甜好食。啲紫菜仲脆到咔咔声，整具咬口。
菠菜忌廉桃胶浓汤西汤加入中式食材 ，喺依度嘅新色，上次试过嘅南瓜甘笋栗子雪耳忌廉浓汤仲记忆犹新，今回加入嘅中式食材「桃胶」，更喺近来大热嘅健康食品。汤底本身已经好浓郁，充满菠菜味，碧绿嘅色泽更相当吸引。汤内嘅桃胶唔算好多，但都够我哋人人试啲，桃胶烟烟韧韧咁，又有点似雪蛤膏，本身喺无乜味，所以，就靠个忌廉汤。
菠菜忌廉桃胶浓汤
64 浏览
2 赞好
0 留言
竹笙红枣莲子百合黄耳炖汤中式喺炖汤，就好啱我老婆，尤其依家寒寒哋，极之啱晒。个汤有咁多健康嘅食材，样样都健康有益，而且唔单用料足，亦火喉十足，感觉非常清润，所以，点唔讨人欢心吖。
竹笙红枣莲子百合黄耳炖汤
77 浏览
4 赞好
0 留言
据说喺店中招牌菜，但咁耐以嚟都一直未有试，所以，散点一客试试佢嘅焗大啡菇，一客3件又啱啱好够我哋分。大啡菇酿入薯蓉，加芝士及黑松露嚟焗，香气扑鼻就唔在讲，入口大啡菇好够汁，薯蓉亦好柔滑，而芝士、黑松露令味道升华，却又无互相抢味。
黑松露薯蓉焗大啡菇
$148
106 浏览
3 赞好
0 留言
栗子紫薯牛油果鲜豆包焗千层阔面 $238（套餐）千层阔面个卖相跟一般西餐无咩分别，不过，啲馅料就大不同，而且，非常佩服大厨晌用料上嘅心思同创意，睇菜名唔使我多讲都知有咩成份。切开睇睇，果然真材实料，蜜溃嘅栗子好甜蜜，紫薯清甜，最有趣喺中间夹咗块鲜豆包，十分有豆香，而配上蕃茄酱，鲜活嘅蕃茄香，令味道更上一层楼。
栗子紫薯牛油果鲜豆包焗千层阔面
83 浏览
2 赞好
0 留言
黑椒猴头菇扒配意式薯菜 $238（套餐）套餐中有一个选择喺分店限定厨师推介，经店员介绍喺猴头菇扒，好似几特别，加上平时用嚟煲汤嘅多，但做西菜就真喺第一次听，故一致决定试试。整道菜卖相好西式，有板有眼，所配嘅薯菜亦唔喺「求求其其」，意大利蕃茄仔、椰菜仔……都处理过，好食！主角猴头菇扒，一客都有3、4件，相信视乎件菇本身大细而俾几多件，总之就份量唔少，切同食起嚟，都有几分似食鲍鱼，佐以黑椒汁就固然之惹味。
黑椒猴头菇扒配意式薯菜
82 浏览
2 赞好
0 留言
黑椒猴头菇扒配意式薯菜
64 浏览
1 赞好
0 留言
蓝蝶花雪梨汁 +$20晚餐本身唔包饮品，但可以选择加钱配，啡茶佢哋都有供应，但就有更多特色嘅饮品，就好似店员推介我哋试吓嘅新品「蓝蝶花雪梨汁」，一身幻紫，几衬个环境。蓝蝶花以前都接触过好几次，知道佢喺有减压同抗氧化作用之效，因蓝蝶花花香味唔突出，杯嘢嘅味道主要就喺雪梨味，梨味突出，清甜滋润。
店中有一系列冷压鲜果汁，喺小弟好推介俾朋友试试，因为除配搭特别外，更列明唔同成份及其功效，仲以慢磨机嚟打果汁，慢慢磨，务求唔产生高热而除去鲜果营养嘅流失或变质，保持原汁原味。
红石榴苹果汁 +$35顾名思义，简单以红石榴及苹果打做，故色泽鲜红。友人贪佢色靓兼有减少脂肪积聚及可以降血压，再者，味道酸爽清甜。
红石榴苹果汁
66 浏览
1 赞好
0 留言
以奇异果、香橙、柠檬及香蕉打成，店员话绝无加水，所以，味道浓郁，酸酸甜甜，清新清凉，酸甜味中以香蕉味稍稍突出啲，重要嘅喺有多种功效嘛！
红枣桂圆椰汁糕、红枣乳酪蛋糕套餐里嘅甜点，一喺选红枣桂圆椰汁糕（2件），一喺就红枣乳酪蛋糕（1件），店家好好俾多件乳酪蛋糕我哋。前者似上海甜点拉糕咁，柔软烟糯，红枣及椰汁味都出色，又混有少少桂圆肉，朋友大赞好食。后者就喺用上红枣嚟做嘅芝士蛋糕，除咗饼底较厚身外，强烈嘅红枣味，饼面伴丁点蜜糖，同样叫人食得滋味。
比起铜锣湾店，尖沙咀店既方便到我等九龙人，环境又阔落啲，重点喺食物嘅卖相、味道及健康并重，由前菜、汤品、主菜到甜品，都无令人失望，加上店员有礼，服务殷勤，值得推荐嘅素食店。
张贴
