Teru Teru Bōzu (已結業)

最近约左好耐冇见既朋友，大家都喜欢食日本菜，睇左一轮食评，就决定试下呢间好评几多既日式餐厅，味道果然非常唔错，值得推荐。餐厅环境舒适有格调，环境都算清净，几适合我同朋友倾计。黎到当然想试下D新野，我地就叫左呢个鳀鱼伴季节野菜，味道非常新鲜特别。野菜包拾原条青瓜、南瓜等，全部都未经加工，保留到野菜本身既清甜，感觉非常健康。为呢道菜锦上添花既系个鳀鱼酱，食落咸咸地咁，味道类似淡淡地既虾酱，鲜味十足。支豆亦系我非常喜爱既一道下酒菜，慢慢食慢慢同朋友倾计，系的每之去居酒屋都必点既。呢个和牛寿司亦令人非常惊喜！大片既和牛食落入口即溶，有浓郁既油香味，一啖放落口就Perfect。烧鱿鱼筒亦系我相当偏爱既一道菜，餐厅既烧鱿鱼筒既质素亦相当唔错。鱿鱼筒烧得岩岩好，外面保留到烧物既香气，亦保持到鱿鱼本身弹牙既口感。红酒煮厚牛舌亦没有令人失望，酱汁有淡淡既红酒味，并唔会抢左牛舌本身既味道。牛舌非常厚身，但又煮得非常腍，相当易入口。明太子忌廉酱意粉可以话系令人相当惊艳！意粉有非常浓郁既忌廉香，加埋明太子味，令人食过番寻味。