亞南雞煲

营业中

休息中

长眼界的体验，唔知会唔会比老板拉黑的点菜推荐。😂两个炸物都系比大多小菜馆更好既质素。椒盐鲍鱼炸衣轻薄刚好，重点系火路精准仅熟，轻轻裹上椒盐，唔洗喼汁已可清碟。如果要追求更好，可能要去六福摘星了。脆皮牛腩更加高难度，除左炸功之外，牛腩既选材同准备功夫影响住成品既完成度。上枱既一旧野，夹出一片睇睇就知道乜料。香料气味充足，炸皮厚而脆加强左牛腩既口感。炸物完食，应该胃口已开。叫鸡煲？不如叫个汤饮啦。竹笙花胶鸡汤（煲），个人黎讲觉得升级新鲜鸡好抵（去开买𩠌就明）。小资级别建议食法。火锅店既好处系每枱都有个电磁炉，可以等个鸡汤慢慢滚起。滚起之后较到一千火等多五分钟，就可以饮汤食鸡。鸡肉刚好，花胶爽滑，竹笙吸满了鸡汤，而个汤系有厚度既。记得要同时间竞赛咁享受啲鸡，尽量喺饮完三碗汤之前就啱啱好。而花胶果时就变成淋滑版本。两口子撑枱脚既话相信好够皮。好胃口嘅叫店家加点鸡汤，渌多个乌东一定够。如果唔系隔离枱传黎阵阵麻辣鸡煲既香气。你真系唔会觉系一间鸡煲店。