58
9
2
| 餐厅: | 亞南雞煲 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港铁太子站 B2 出口, 步行约3分钟
继续阅读
电话号码
23926100
开饭介绍
本店主要提供雞煲 (大中小辣) , 火煱 , 打邊爐, 特色小食, 脆皮牛腩 ,口水雞,麻辣豬耳,麻辣牛展,北京小黃瓜,香脆墨魚丸
继续阅读
营业时间
今日营业
17:30 - 02:00
星期一至日
17:30 - 02:00
以上资料只供参考，请与餐厅确认详情
优惠
相关文章
此雞非彼雞，「亞南雞煲」是我吃過中最好吃的雞煲，雖然同樣用冰鮮雞，但肉質鮮嫩細緻，相比一般坊間吃到的有質素。湯煲湯頭濃郁，乾鍋香辣惹味。另一亮點是火鍋材料的質素，新鮮上乘，物有所值。怪不得在寧靜街頭上，「亞南雞煲」是最熱鬧的一間店。此外，飯店非常清潔，沒有黐立立的餐桌及地下，就算洗手間亦意料之外的乾淨，在旺角區街坊店甚難得，值得嘉許！返回主題，咁我哋食咗啲咩呢？人多好辦事，我們吃了多款香口餐前小吃，湯鍋及乾鍋，之後如常點選肥牛、黑毛豬、海鮮、餃丸及蔬菜等，大飽口福！皇牌脆炸牛坑腩 $88牛坑腩真係靚，肉質鬆軟，炸過之後，外脆內軟有牛肉的咬口。椒鹽鮮鮑魚 $48/隻處理得很好，鹹香與柔韌的鮑魚合拍，小口小口慢慢咀嚼，配點冰涼啤酒喝，黃金組合。酥炸桶蠔 $48/隻酥脆惹味，巨型桶蠔，入口爆汁！蝦多士拼油炸鬼墨魚滑 $62鮮美香口。麻辣墨魚鬚 $65墨魚鬚切成幼條，非常彈牙可口。不過唔知係咪同伴要求雞煲微辣，服務員也替這個麻辣墨魚鬚安排了少辣，所以依我口味並不麻辣，下次再來要吃正常味道的啊！蟲草花野生竹笙花膠濃湯雞煲 半隻$328奶黃色的湯頭見者垂涎，雞湯香氣四溢；很多蟲草花在湯面，咬落很有口感；再夾起竹笙，嘩！果然是皇，未見過咁大條，花膠份量都唔少，呢煲湯真係足料；醇厚味甜，飲得落幾碗。雞的質素已經談過，皮爽肉滑，好吃。日本帶子花甲雞煲 細煲$308因為有抉擇困難症，我們選了帶子與花甲雙拼，哈哈！飯店果然嚴選食材，花甲及帶子皆厚肉鮮嫩。乾煲調味豐富，少少辣的雞，風味有別，同樣出色。手打極品肥牛（細）$238脂肪豐富，色澤亮麗，口感軟滑。極品黑豚肉（小）$188肥瘦肉比例適中，肉質上乘，嫩滑富嚼勁。深海龍躉片 $138日本帶子 $108大花蜆 $98手打雙拼滑（蝦滑墨魚滑）$88野生竹笙皇 $118蔬菜籃 $48雜瓜拼盤 $48全部食材新鮮夠份量，難有投訴。鳳城餃子 $55鮮蝦雲吞 $55餃子雲吞果然是自家製，有意想不到的有蝦香，皮薄餡料足；鹹蛋流心丸 $55咬一口流心丸，鹹蛋液流出，味香討好。冰凍檸檬茶 $33特別介紹這杯檸檬茶，清涼可口真大杯！服務態度良好，心水推薦，值得重訪。
继续阅读
要約齊6個人一齊去食飯絕對不是易事，因為各有各忙，今日終於可以成事，所以一定要食到盡興而返先至得！因為有人食唔到「辣」的關係，所以要咗兩個唔同嘅鷄煲：「1」蟲草花野生竹笙花膠濃湯雞煲 （半隻$328）「2」日本帶子花甲雞煲（細煲$308）。不得不讚那些鷄件，鷄肉好嫩，一點也不「嚡」。未開始放任何配料，就首先嚐了鷄湯，真的好鮮甜！呢間店舖除咗有各式各樣鷄煲配料，仲有好多出色小食，皇牌脆炸牛坑腩 （$88），炸醬夠薄，外脆內軟，口感不錯！手打極品肥牛（細）$238 - 脂肪分布均勻，口感軟滑。手打雙拼滑（蝦滑墨魚滑）$88 - 蝦味較為突出野生竹笙皇 $118 - 好大件，好爽口極品黑豚肉（小）$188 - 肥瘦適中，肉質嫩滑。鳳城餃子 $55 / 鮮蝦雲吞 $55 - 自家製的餃子同雲吞，皮薄但餡料好足。鹹蛋流心丸 $55 - 細細粒容易食。日本帶子 $108 / 大花蜆 $98 - 大隻又鮮甜冰凍檸檬茶 $33 - 俾想像中大杯，值回票價。蔬菜籃 $48 / 雜瓜拼盤 $48 - 都好新鮮價錢親民、服務態度又好，聚會好選擇！
继续阅读
香港人一向喜歡吃雞，不同製法五花百門應有盡有，用砂鍋去做「雞煲菜餚」，可是其中很合一班朋友或家人大快朵頤的。我也很久沒和大伙兒吃雞煲，好友吹雞到與米芝蓮一星餐廳「六福菜館」屬同集團的「亞南雞煲」飯聚，當然爽快應約。此店屹立太子花園街13年，看見不論乾或湯雞煲的選擇極多，每款都甚叫引，商量過後決定要了兩款最受歡迎的。吃雞煲前我們邊等齊人，邊先來小吃。「麻辣墨魚鬚」HK$65大條墨魚鬚淖熟後橫切片，放涼撈上麻辣汁。味道沒有太辣太霸道，麻比辣強，是我喜愛的「麻香」類型：「王牌脆炸牛坑腩」HK$88，這個我是有 wow 的感覺：先將牛坑腩原條炆至入味後，沾上脆漿炸後切件而成，外皮非常鬆化，肉質軟嫩有至不失咬口，就這樣吃已經夠惹味！若你喜歡的話，也可沾些喼汁吊香，會是另一番風味：「椒鹽鮮鮑魚」HK$48 / 隻鮑魚經過椒鹽洗禮，灑上香透的黃金炸蒜茸，香口無比啖啖肉：鮑魚仍保持本身的爽彈質感，炸的時間拿捏準確，做得好：「酥炸桶蠔」HK$48 / 隻，厚肉桶蠔以避風塘方法弄之：入口香而不油，皮薄而脆，保持蠔身的嫩滑，想 encore 多一隻！不過要留口食雞煲 XD食熱氣嘢當然要有凍飲，這裏有一系列自家製涼茶。我的「羅漢果菊花靈芝茶」HK$28，味道天然甜，屬無添加家庭式那種，是香口熱辣菜式好拍檔：我們六人點了兩個雞煲。「蟲草花野生竹笙花膠新鮮雞煲」 HK$868選擇加 HK$200 升級版要整隻新鮮雞連雞雜：先試湯底，鮮甜到一個點！湯的質地略為濃稠，雞味全開：配厚肉花膠同吃感覺滋補，雞肉熟透亦保持肉質嫩滑，在深秋初冬吃，確能將窩心美味發揮到極致：我是第一次食這麼大條的竹笙靚貨，野生連菌裙吃，索盡湯汁，口感厚實爽口，湯汁在口中爆發：「日本帶子大花蜆雞煲」HK$406 (小辣)選擇加 HK$98 升級要埋大花蜆，另有花膠、墨魚、刺身級帶子等：邊加熱邊拌，醬料香味紛陳釋放散發：店的自家製雞煲醬確是美味關鍵，結合沙茶醬、柱侯醬、南乳及多種香料等，香味富有層次，濃中帶微甜，風味與一般添加味精的「死鹹」雞煲醬大有分別：有了雞醬的加乘，煲內各項食材都變得惹味香口，建議先吃大粒鮮帶子，外軟彈鹹香內仍是半刺身狀態；雞件也好吃，乾雞煲始終是以美味醬汁主導才有靈魂：吃掉兩個雞鍋材料後都可加湯打邊爐，一次過滿足兩個願望。因在座有朋友不太嗜辣，所以選了加湯在「新鮮雞煲」，繼續下半場。生料「手切極品肥牛」HK$318，送新鮮蔬菜一籃：牛用料上乘，雪花分佈平均，輕燙後肉質鮮嫩，脂香甚濃，吃得大家也不拘小節地站起來搶着牛肉來涮：「頂級牛筋丸」 $55另點一份「極品黑豚肉」HK$188，給不吃牛的朋友吃：「炸魚皮」 $48，可直接吃或放在湯中輕灼四秒，清脆利落，索湯亦保留炸魚皮的香，也屬打邊爐必點之選：「手打蝦滑拼墨魚滑」 $88煮熟後兩者都爽彈，吃得出用料新鮮，尤愛墨魚滑，鮮味之餘也愛那加了蟹籽的口感：最後再吃埋鍋裏的蔬菜，邊傾邊笑邊吃美食，確實是賞心悅目的晚上。吃後感是這裏不只雞煲出色，一系列小食如炸牛坑腩、炸鮑魚等也令人經艷，來這裏吃飯，有驚喜，真的是「點止雞煲咁簡單」！
继续阅读
雞煲呢家嘢晌香港都興咗好耐，就算只喺雞煲，商家都各出奇謀，最後，朋友介紹位處太子嘅「亞南雞煲」，皆因雞煲嘅款式超多之餘，配料更喺重質不重量嘅，故此，約埋老友一心過嚟食靚嘢。鋪外、鋪內裝潢都比較樸實唔花巧，最緊要夠整潔，地方企理，天花更安裝咗好多部冷氣，絕對唔會食到一身汗，而牆上貼咗好多唔同嘅雞煲及其他食物嘅相片，非常吸引。再走入啲，餐廳盡頭，仲有另一個用餐區，眼見有多張散枱，但店長話夠人都可以僻為一個廂房。香港人向來都好喜歡雞煲、打邊爐，雖然話家下經濟唔多景氣，但唔喺講笑，幾乎全場爆滿，可見餐廳有質素先喺咁。究竟雞煲有幾多選擇？仲有啲咩配料、飲品？我就唔講太多喇，索性掃描晒所有點餐紙出嚟俾大家參考就一目了然。而雞煲有乾嘅，有湯嘅，辣度及麻度都有得揀。溫馨提示，店內有列明用餐時間為入座後2小時，除非出面真喺好多人等位，否則，店長話都未必好嚴格執行，反正大家嚟都喺想食得開心愉快。自家製涼茶系列 $28平時打邊爐就好鍾意嗌汽水飲，不過，喺牆上見到佢有啲自家製涼茶，兼且款式特別，當然要試試嚟降下火。有老友就揀海底椰雪梨茶，而小弟嘅選擇喺羅漢果菊花靈芝茶，少甜之餘，最正喺標明成份同功效，又夠大樽，邊食邊飲去除罪惡感。麻辣墨魚鬚 $65 等齊人嘅時候，最好喺叫啲餐前小食過吓口癒，小食選擇多，又有特色。好似呢一款墨魚鬚，鮮甜柔韌，極具口感。雖然叫麻辣，嗌之前都問過店員會唔會好辣，入口確實唔太辣，帶濃濃麻騷感，如果真喺好搶心辣嘅問題，可以揀冰鎮墨魚鬚喔。椒鹽鮮鮑魚 $48 /隻兩隻起，如果純粹想試試，可以麻煩師傅一開二，多幾個人「些牙」。而呢個小食重點喺食質素，鮮鮑魚好大隻，甚有鮑鮮味，口感煙韌有咬口，酥炸後再灑上椒鹽調味，鹹香微辣，好有風味。皇牌脆炸牛坑腩 $88牛坑腩就肯定唔會喺第一次食啦，不過，以脆炸形式去做就肯定喺第一次喇。牛腩南送到上枱，店長特別強調佢哋啲坑腩喺新鮮貨，所以，就更加落力去細味。個脆皮炸得金黃，夠薄又酥脆，兼唔油膩，而腩位好鬆化，又好有肉香，口感極佳。蟲草花野生竹笙花膠濃湯雞煲 $328我哋就想食得濕濕哋，又有啖靚湯飲，所以，揀個湯雞煲，而呢款有竹笙，又有花膠，啱晒我哋啦。唔喺講笑，我都喺第一次見啲咁大條嘅竹笙，好有睇頭，加埋湯內有唔少花膠同雞件，超抵食喎。先飲啖湯，奶白色嘅雞湯，味道好甜，濃而不濁，飲得到啖啖都喺精華。蟲草花有咬口，啲野生竹笙果然好堅，非常之大條，入口好爽脆，吸滿湯汁，非常鮮味，而啲花膠亦食得出喺靚料，柔韌富膠質，而絕對無一陣陣腥味，啲雞件肉質好嫩滑，又好有鮮雞味，幾款食材都無令人失望。順帶一提，原來事前預訂成隻雞嘅話，喺可以要求選用新鮮雞，價錢當然會貴啲，不過，就算我哋無預訂，所食嘅喺冰鮮雞，質素都已經好高質。手打雙拼滑 $88清咗個雞煲嘅食材之後，跟住再嗌其他火鍋料試試，先喺啲墨魚滑同蝦滑，打得夠功夫，所以，口感非常之彈牙，前者好有墨魚嘅甜味，後者好有蝦鮮味。大花蜆 $98花蜆用上大花甲，睇樣已經見到非常之大隻，灼熟之後，蜆肉食落非常之厚身肥美，仲帶有陣陣海水嘅鹹鮮味。極品肥牛拼龍躉片 $248打邊爐又點可以少得肥牛呢！呢度賣嘅牛亦都喺好高質素，油脂分佈平均，色澤鮮豔，唔會暗暗啞啞。揀咗呢個肥牛拼龍躉片，就可以一次過試兩樣嘢，隨拼盤仲奉送一份蔬菜。 淥龍躉片真喺要講手勢，淥嘅時間啱啱好，魚肉入口非常之嫩滑，而且，極具魚味，好鮮甜；至於啲肥牛，放晌湯內灼一灼，轉色就食，嗰份嫩滑感，油脂香，真喺無得輸，仲甚富肉味，真喺一塊接一塊咁淥嚟食。最後，仲送咗啲優惠券俾我哋，真識做生意，其中一張更喺半價雞煲換領券，咁當然要湊大棚人啲嚟食個大雞煲啦。總結一句，唔單止雞煲款式多，食材用料靚，而且，啲招呼亦非常好，店員細心有禮又殷勤，讓客人都食得開心。所以，咁多客人嚟幫襯，真喺不無道理。
继续阅读
計劃，永遠趕不上變化！因為他倆的缺席，你突然現身。我帶著笑臉 和你 坐著聊聊天我是多麼想和你見一面 看看你最近改變不再去說從前 只是寒喧 對你說一句 - 好久不見，一切安好！率先上場，乃三款各具特色的前菜小吃。麻辣墨魚鬚 $65，味兒沒有想像中潑辣霸道，爽口彈牙，越吃越上癮。椒鹽鮑魚$144/3隻，金黃的表皮酥脆香口，一口咬下去，裏面則鮮嫩可口，外脆內軟，口感呈現出鮮明豐富的對比。脆皮牛腩 $88，炸至外酥脆內juicy，賣相挺誘人。不吃牛肉的我，只能眼睜睜地看著他們大快朵頤！識飲識食的我們，一早預訂了以新鮮雞連雞雜烹調的蟲草花野生竹笙花膠濃湯雞煲 $668/大煲。如果想吃得經濟實惠一點的話，可以選擇以冰鮮雞炮製的雞煲$468/大煲。湯滾起時，可以先喝碗湯，品嚐這煲真材實料且原汁原味的新鮮雞湯的。雞湯入口濃稠且鮮美非常；雞肉肉質鮮嫩細滑，浸泡在湯中更添鮮味；蟲草花和雞腎富咬口嚼勁；野生笙生挂汁能力極強，碩大無比，口感爽脆且味道鮮美。 飲完鮮美雞湯，可以隨個人喜好，加入其他食材打邊爐。牛魔王之輩，無牛不歡，但又顧及牛吃牛小妹需要，故點來了一客極品肥牛拼龍躉片$328/大，隨拼盤奉送一份新鮮蔬菜，我們選了油麥菜。當他們狼吞虎嚥吃牛時，小妹自得其樂地慢慢“淥”龍躉片。火喉拿揑恰到好處，魚皮Q彈，魚肉入口肉質嫩滑。打邊爐，最適宜飲凍飲。餐廳提供了五款特大杯裝的飲品，售價$33/杯，極其吸引！朋友叫了菠蘿冰 $33，據說菠蘿多汁好食；小妹的鹹檸檬七喜 $33，甜中带有微微的鹹酸，爽YY，非常開胃且透心涼，最適宜打邊爐時飲用。也有朋友點了平平無奇的烏龍茶和海底椰雪梨茶。炸魚皮 $48，也是大大塊的，十分香脆可口；而頂級牛筋丸拼頂級墨魚丸 $55，小妹試了墨魚丸，鮮爽彈牙。謝謝你，安排了一頓鮮味無窮的盛宴。且，山長水遠地，帶來了甜蜜祝福。你說，你依家好窮！我聽後，嗤之一笑。或許，你的錢包真的空了。可是 - 只要活著你永遠是進擊的巨人是不敗的存在！
继续阅读