頭啖湯

营业中

休息中

寻日行过天后谂住睇下有咩好食，跟住睇到有间鸡煲火锅，个门面都唔错， 于是入去食下，我哋见到个餐牌有个鸡煲火锅，都几抵138蚊有半只鸡，咁我哋另外仲加咗少少嘢食啦，加咗牛肉啦豆腐啦鱼皮饺，同埋乌冬。个鸡煲火锅，虽然我哋叫咗半只鸡，但系都足够三个人食呀，我哋两个人食呢，其实都食到好饱，咁另外个鱼皮饺同埋豆腐系值得推介嘅，好好食。嘢饮方面，个店员推介咗我哋水果茶，呢个水果茶真系好好饮，好香，好甜，你可以叫佢啲冰另外上。想讲下个乌冬方面，个乌冬其实都系几好食㗎，好幼细同埋好幼滑㗎。最后觉得呢间嘢都系值得推介嘅。个日我哋晚上六点几去到，因为比较早呀，所以佢安排咗张卡位畀我哋呀，就算我哋得两个人， 张枱又够大，坐得又舒服。